1Mumpahmo'a' i he"a Apu Dios.

Ot hanat donglom tun ibaga'.

2Te ma"id mahan mo tayya ha abalina' ya nidawwiya' hinan nunhituwa'.

Ot hanat iyeya' hinan awadan di nahamad an ihi"ugan.

3Mu he"a an ongal di abalinana di paddungnay nahamad hi ihi"uganmi hi'on tuweday binuhulmi.

4Ot hanat iyabulutmun munhituwa' i ha nihaggon hinan Templom hi inggana ta nanongnan mihwanga' an aya' mihiggu' hinan paddungnay paya'mu.

5Innila' an dingngolmu Apu Dios nadan imbaga' hi ato'.

Ot idatmun ha"on nan midat hinadan mangun'unud i he''a.

6Hanaot bahan ta dukdukkayom di pi'taguwan nan patul ta pala''uhonay dakol hi tawon.

7Ya hanat iyabulutmu ta minaynayun di pun'ap'apuwana ya atbohdi nan punwagahmun hiya.

Ya hanat nanongnay pangipapto'mun hiya an gapuh nan ongal an pamhodmu.

8Ta wan nanongnan ikankanta' di pundayaw'un he"a Apu Dios.

Ya ato' nadan imbaga' hi idawat'un he"a hi binigat.