1Hi Apu Dios di dinlo' hi mangibaliw i ha''on.

Ta hiya nan adiyu alyon hi bumtika' hinan muyung ta pato' hinan hamutin e mipa"ehdi.

2Te ta'on on hanadan adi maphod di pangatda ya indadaanday panada ta eda mumbota' ta wa'e ha mala"uh hinadan maphod di pangatna on pinanada dida.

3Ta ma"id ha aton nadan maphod di pangatda te ningamut an didan namalpaligat i dida ya adida unudon nan nipto' an uldin.

4Mu hi Apu Dios ya wahdih ad abunyan an mun'ap'apu an uh'uhdunganan namin di tataguh tun luta.

5Ta tigtiggonay at'atton ta'un namin.

Ta hanada'en mangmangngat hi adi maphod ya nunhiglay bungotnan dida.

6Ta hiya nan ahina ipa'ali han apuy an asidu ya dakol an na'appudut an bala ta ayda udan an mun'a'agah ya han na'appudut an dibdib ta datuwey pundusana i dida.

7Te hi Apu Dios ya nipto' di pangatna.

Ya pun'amlongana nadan maphod an ma'ma'at.

Ot hanadan maphod di pangatna ya diday mi'tagun hiya.