1Hi Apu Dios di paddungnay mumpastol i ha''on.

Ta an namin di mahapul'u ya idatna.

2Te paddungnay ipanguluwa' hinan maphod an pun'iblayan an pumpastolan ya awadan di maphod an liting.

3Ya nanongnan pabikahona' i hiya.

Ya ituddunay nipto' hi ato' ta unudo"e ya hiyay mipabaktu.

4Ot ta'on on wadaday punligata' ta aya' mate ya adiya' tumakut te innila' an wadawada'an Dios an mumpapto' i ha"on.

Ya hanan paddungnay patanongmu di pumbaliwmun ha"on.

5Ta hanadan mi'buhul i ha''on ya tigonda an ipapto'a' i he"a an umat hi pangipapto' di ohan waday bihhitana an panganona ya hiniitanay ulunah lana.

Ya winagahana ta umat hinan basu an humuya' nadan nihiit hidi.

6Ot madinola' an minaynayun nan ulem ya pamhodmun ha''on hi binigat.

Ta hiya nan dayawon da'an ha"on hinan Templo ta ingganah apogpogan di nitaguwa'.