1 ✡Delivre m, O SENYÈ, de moun mechan yo.

Delivre m de moun vyolan yo:

2ka p ✡ fè manèv mechan nan kè yo.

Tout tan, y ap fè pwovokasyon pou fè lagè.

3Yo file lang yo tankou koulèv.

✡Pwazon a sèpan mòtèl la anba lèv yo.

4Kenbe m, O SENYÈ, de men moun mechan yo.

Pwoteje m de moun vyolan ki te ✡fè plan pou pye m yo ta tonbe yo.

5Ògeye yo fin ranje yon pèlen pou mwen.

Avèk kòd, yo te ouvri yon pèlen bò wout la.

Yo fin plase yon ✡pyèj pou mwen.

6Mwen te di a SENYÈ a: “Se Ou ki Bondye mwen.”

Bay zòrèy, O SENYÈ, a vwa a siplikasyon mwen yo.

7O BONDYE Senyè a, fòs a sali mwen an,

Ou te ✡kouvri tèt mwen nan jou batay la.

8Pa akonpli, O SENYÈ, dezi a mechan an.

Pa pèmèt manèv mechan li yo, pou l pa vin leve wo.

9Epi pou chèf an tèt a sila ki antoure mwen yo,

pou ✡malveyans a pwòp lèv yo kapab vin kouvri yo.

10Kite ✡chabon tou limen vin tonbe sou yo.

Kite yo jete nan dife,

nan fòs fon kote yo p ap kab leve sòti.

11Sila ki bay kout lang yo pap vin etabli sou latè.

✡Mal la va kouri vit dèyè moun vyolans lan.

12Mwen konnen ke SENYÈ a va bay soutyen a aflije yo,

e fè ✡jistis pou malere a.

13Anverite, moun dwat yo va bay remèsiman a non Ou.

Epi moun dwat yo va abite nan prezans Ou.