Muqeddes Kalam (latin yéziq)

87-küy •••• Zionning ulughluqi
1Korahning oghulliri üchün yézilghan küy-naxsha: —
Uning uli bolsa muqeddes taghlardidur.
2Perwerdigar Zionning derwazilirini söyidu,
Yaqupning barliq makan-jayliridinmu ewzel köridu;
3Séning sheripingge ulugh ishlar éytilmaqta, i Xudaning shehiri!
Sélah.
4«Méni tonup bilgenler arisida Rahab bilen Babilni tilgha alimen;
Mana Filistiye, Tur bilen Éfiopiye;
Mana bu adem shu yerde tughulghan» — deymen.
5Berheq, Zion toghruluq shundaq éytilidu: —
«Bu adem, palanchi-pokunchi uningda tughulghan,
Hemmidin Aliy Bolghuchining Özi uni mustehkemleydu».
6Xelq-qowmlarni xatiriliginide Perwerdigar: —
«Bu kishi bu yerde tughulghan» — dep alahide xatirige yézip qoyidu.
Sélah.
7Naxshichilar, ussulchilar shuni teng éytidu: —
«Méning barliq bulaq-menbelirim séningdidur!»

□87:1 «Uning uli bolsa muqeddes taghlardidur» — «Uning uli» — Xudaning uli, démek.

□87:4 «... arisida Rahab bilen Babilni tilgha alimen» — «Rahab» bu yerde Misirni bildüridu (menisi: «tekebbur». «Yesh.» 30:7ni körüng). ««Méni tonup bilgenler arisida Rahab bilen Babilni tilgha alimen... mana bu adem shu yerde tughulghan» — deymen» — sözligüchi Xuda Özi bolsa kérek.

□87:6 ««Bu kishi bu yerde tughulghan» — dep alahide xatirige yézip qoyidu» — bu sirliq söz Xudaning Yehudiy bolmighan («yat ellik») Özige étiqad qilghuchilarni étiqadi arqiliq «Özümge tewe adem, Özümning ailemdiki adem» dep hésablap, ulargha iltipat qilip: «Yérusalémda tughulghan» dep hésablaydighanliqini körsitidu.

□87:7 «Méning barliq bulaq-menbelirim séningdidur!» — «séningda» belkim Zionda dégen menide. Bezi alimlar menisini «Xuda Özide» dep qaraydu.