75-küy •••• Adil soraqchi Xuda
1Neghmichilerning béshigha «Halak qilmighaysen» dégen ahangda oqulsun dep tapshurulghan, Asafning küy-naxshisi: —
Sanga teshekkür éytimiz, i Xuda, teshekkür éytimiz!
Chünki naming bizge yéqindur;
Buni, qilghan karametliring ispatlap jakarlaydu.
2 Menki Perwerdigar: — «Men békitken waqitni ixtiyarimgha alghinimda,
Adalet bilen soraq qilimen;
3Yer hem yerning üstide turuwatqanlar tewrinip tursimu,
Uning tüwrüklirini turghuzghuchi Özümdurmen» — dédi.
Sélah.
4Maxtan’ghanlargha: — «Maxtanmanglar»,
Hem rezillerge «Münggüzüngni kötürme» — dédim;
5 «Münggüzüngni yuqiri kötürme;
Boynungni qattiq qilip ghadiyip sözlime!»
6Chünki kötürülüsh sherqtin yaki gherbtin emes,
Yaki jenubtinmu kelmeydu;
7Chünki Xuda sotchidur;
U birsini kötüridu, birsini chüshüridu.
8Chünki Perwerdigarning qolida bir qedeh turidu;
Uningdiki sharab köpüklishiwatidu;
U ebjesh sharab bilen toldi;
Xuda uningdin tökidu;
Derweqe yer yüzidiki barliq reziller uning dughini qoymay ichiwétidu;
9Men bolsam, menggüge guwahliq bérimen: —
Yaqupning Xudasigha küylerni éytimen.
10«Men rezillerning münggüzlirining hemmisini késip tashlaymen;
Biraq heqqaniylarning münggüzliri kötürülidu!».