76
76-küy •••• Perwerdigar ellerdin hésab alidu
1Neghmichilerning béshigha, tarliq sazlarda chélinsun dep tapshurulghan, Asafning küy-naxshisi: —
Yehudada Xuda tonulghandur;
Uning nami Israilda ulughdur.
2Uning panahiy jayi Salémda,
Zion téghida Uning makani bar.
3U yerde U otluq oqlarni,
Qalqan, qilich hem jeng qorallirini chéqip tashlidi.
Sélah.
4Özüng ow-olja taghliridin neqeder shereplik, neqeder elasen!
5Baturlar bulandi;
Ular uzun uyqugha ketti;
Palwanlarning héchqaysisi öz qolini kötürelmidi.
6Séning eyiblishing bilen, i Yaqupning Xudasi,
Jeng harwisi hem atlar ölüktek uxlitildi.
7Sendin, Sendin qorqush kérektur;
Ghezeplen’giningde kim aldingda turalisun?
8-9Yer yüzidiki barliq yawash möminlerni qutquzush üchün,
Sen Xuda soraq qilishqa ornungdin turghan waqtingda,
Asmandin hökümni chiqirip anglatquzdung;
Yer bolsa wehimige chüshüp, süküt qildi.
Sélah.
10Chünki insanlarning qehri Sanga shöhret keltüridu;
Ularning qalghan qehri Sanga belwagh bolidu.
11Perwerdigar Xudayinglargha qesem qilip, emel qilinglar;
Uning etrapidiki yurttikiler qorqushi kérek bolghuchigha hediyeler sunsun;
12U emirlerningmu rohini sunduridu;
U yer yüzidiki padishahlargha dehshetliktur.
Notes
□76:2
«Uning panahiy jayi Salémda» — ibraniy tilida: «Uning uwisi Salémda». Bu söz belkim Xudani shirgha oshitidu. Tewrattiki «Hoshiya» dégen qisimda Xuda «Yehudaning shiri» dep atilidu. «Salém» — «Yérusalém»ning qisqartip éytilishi.
□76:4
«ow-olja taghliri» — belkim top-top döwilen’gen ow-oljilarni körsitidu.
□76:10
«Insanlarning qehri Sanga shöhret keltüridu; ularning qalghan qehri Sanga belwagh bolidu» — bu sirliq söz belkim (1) Xuda insanning barliq asiyliq-qarshilishishlirini axirida Özining shöhritige hem muddialirigha aylanduridu; (2) insanlarning Öz qehri özige keltürgen külpetler yénik bolup qalghan bolsa, «qalghan qehr»ni Xuda Özi toluqlap jazalirini éghirlashturidu.
«Uning panahiy jayi Salémda» — ibraniy tilida: «Uning uwisi Salémda». Bu söz belkim Xudani shirgha oshitidu. Tewrattiki «Hoshiya» dégen qisimda Xuda «Yehudaning shiri» dep atilidu. «Salém» — «Yérusalém»ning qisqartip éytilishi.
«ow-olja taghliri» — belkim top-top döwilen’gen ow-oljilarni körsitidu.
«Insanlarning qehri Sanga shöhret keltüridu; ularning qalghan qehri Sanga belwagh bolidu» — bu sirliq söz belkim (1) Xuda insanning barliq asiyliq-qarshilishishlirini axirida Özining shöhritige hem muddialirigha aylanduridu; (2) insanlarning Öz qehri özige keltürgen külpetler yénik bolup qalghan bolsa, «qalghan qehr»ni Xuda Özi toluqlap jazalirini éghirlashturidu.