1Hanadan tatagun mundinol ke APU DIOS ya adida maapput te mialig da nah Bilid an Zion an munnananong ta nangamung. 2Hay munnanong an pamaptok APU DIOS nadah tataguna ya mialig nadah bilid an nunlinikkod hi Jerusalem.

3Hanadan gaga-ihon tatagu ya adida mun-ap-aput nangamung nadah maphod an tatagu te gulat nat athidi ya aton damdaman nadan maphod an tataguy gaga-iho. 4APU DIOS, atom di maphod nadah maphod an tatagun makangngun-unud ke he-a. 5Ya deket kastiguwom nadan gaga-ihon tatagu ya pakikastigum nadan adi mo mangun-unud ke he-a.

Hana ot ta munnanong an waday linggop hitud Israel.