Esau nea upu
1Areini mo, Esau nea upu. Esau iae sio oaoiki tau Edom oi. 2Esau inana ne pinau tonu arihoni otoe Kanaan. Sio reimo, ia isa nanai Ada. Ada amai tau Elon. Elon ne ipane Het. Sahai isa honu nanai Oholibama. Amai tau Ana. Momoi tau Sibeon. Ia ne ipane Hewi. 3Ita sahai isa nanai Basmat. Amai tau Ismael. Hotai tau Hebayot. 4Ada isusu Elifas. Basmat isusu Rehuel. 5Oholibama isusu Yeus, Yaelam runa Korah. Sio ikina rei pusiso oamrae mai Kanaan.
6Taue isa Esau ihitio ieu iarihoni Yakup ieui sui otoe tamene. Ieu ikata ne pina hehuka runa sio wason orueso mai ne numa rei pusiso. Ieu ikatu-katu ne makapanau pusire. Irori ne apia pusire waron isupure mai Kanaan rei. 7Esau ieu iarihoni Yakup tau no makapanau no pina hehuka panesi. No makapanau panesi reiso muaina ralaiso tewa nea. 8Reiso Esau iruei ria pupua ria otoe Seir.
9Areini mo Esau ne hehuka, nea momou, nea upu nanao. Esau mo, ia numa upue tau sio Edom. Sio Edom wason orueso ria pupua ria otoe Seir.
10-13Esau ne hehuka wason:
Esau sahai Ada isusu anai hanaie Elifas.
Elifas isusu: Teman, Omar, Sefo, Gaetam, runa Kenas.
Elifas sahai isa honu. Ne oaiseneso tewa. Nanai Timna. Timna isusu Amalek.
Esau sahai Basmat isusu anai hanaie Rehuel.
Rehuel isusu: Nahat, Serah, Syama, runa Misa.
14Esau sahai Oholibama wain amai tau Ana, momoi tau Sibeon isusu ne hehuka hanaia: Yeusy, Yaelam, runa Korah.
15Sio numa upua arihoni Esau wason:
Esau anai manaonete, Elifas, ne hehuka wason sio numa upua tau ipana reini:
Teman, Omar, Sefo, Kenas,
16Korah, Gaetam, runa Amalek.
Sio noa momou tau Esau runa Ada.
17Esau anai hanaie, Reuel, ne hehuka wason sio numa upua tau ipana reini:
Nahat, Serah, Syama, runa Misa.
Sio noa momou tau Esau runa Basmat.
18Ipana rerihoni Esau runa sahai, Oholibama wain amai tau Ana wason:
Yeus, Yaelam, runa Korah.
19Sio wason numa upua tau ipana waron Esau nea momou.
Seir nea upu
20-21Esau ihitio ieu ria otoe Seir. Seir nea hehuka wason orue tanui nea. Seir nea upu tau Hori.
Seir nea hehuka wason numa upua tau ipana reini:
Lotan, Syobal, Sibeon, Ana, Disyon, Eser, runa Disyan.
22Lotan ne hehuka tau:
Hori runa Heman. Lotan hotai tau Timna.
23Syobal ne hehuka tau:
Alwan, Manahat, Ebal, Syefo, runa Onam.
24Sibeon ne hehuka tau:
Aya runa Ana. Ana sahoro isupu wae pusate nau otoe huie. Waini isaka amai ne keledaiu nau rei, oyo isupui. (Keledai nooi sani naitanane ne ikine.)
25Ana ne hehuka tau:
Disyon runa anai pina Oholibama.
26Disyon ne hehuka tau:
Hemdan, Esyban, Yitran, runa Keran.
27Eser ne hehuka tau:
Bilhan, Saawan, runa Akan.
28Disyan ne hehuka tau:
Us runa Aran.
29Sio numa upua tau sio Hori wason:
Lotan, Syobal, Sibeon, Ana, 30Disyon, Eser, runa Disyan.
Sio aiau ria otoe Edom
31Sio aiau orime otoe Edom on ia aia isa irime sio Israel tewasi.
32Sio ohiti Bela na irime kota Dinhaba. Bela amai tau Beor.
33Bela imatai oyo sio ohiti Yobab na ikatiki. Yobab amai tau Serah. Ia arihoni nia Bosra.
34Yobab imatai ita ohiti Husyam na ikatiki. Husyam arihoni otoe Teman.
35Husyam imatai ita ohiti Hadad na ikatiki. Hadad amai tau Bedad. Ia sahoro iahita runa sio Midian ria Moab. Oahita, ia sahoro ne untu. Ne kota wani Awit.
36Ita imatai reiso ohiti Samla na ikatiki. Ia rerihoni nia Masreka.
37Ita imatai sio ohiti Saul na ikatiki. Ia rerihoni nia Rehobot wani haineke waene nusue.
38Ita Saul imatai ohiti Baal-Hanan na ikatiki. Amai tau Akhbor.
39Ita Baal-Hanan imatai oyo ohiti Hadar na ikatiki. Ia arihoni kota Pahu. Sahai nanai Mehetabeel. Mehetabeel amai tau Matred, inai tau Mesahab.
40-43Reiso Esau nea upu tau:
Timna, Alwa, Yetet, Oholibama, Ela, Pinon, Kenas, Teman, Mibsar, Magdiel, runa Iram. Sio wason numa upua tau ipana ria Edom. No ipana rai ohete nanaya tau otoa waron orue tanure rei.