1Rəbb Siona bəxtəvər günlərini qaytaranda

Bizə röya kimi gəldi.

2Dodaqlarımızdan gülüş tökülürdü,

Dilimizdən sevinc harayı yüksəlirdi.

Millətlər öz aralarında belə deyirdi:

«Rəbb onlar üçün böyük işlər görüb».

3Bunun üçün sevinirik,

Çünki Rəbb bizim üçün böyük işlər görüb.

4Selləri Negevə qaytardığın kimi,

Ya Rəbb, o bəxtəvər günləri bizə qaytar.

5Göz yaşı ilə əkənlər

Sevinc harayı çəkərək biçəcək.

6Ağlaya-ağlaya toxum torbasını daşıyıb-gedən

Sevinc harayı ilə dərzləri daşıya-daşıya gələcək.