Egvu, aagụje teke eeje Jerúsalemu; onye deru iya nụ bụ Dévidi
1Ẹhu tsọru mu ẹna
teke ẹphe sụru mu:
“T'ayi je l'eze-ụlo Nchileke!”
2Nta-a bẹ ayi vudowa
l'obu-edukfu nggụbe Jerúsalemu.
3Jerúsalemu bụ mkpụkpu,
a kpụru; yọ tụgba onwiya atụgba.
4Ọ bụ l'ẹke ono; bẹ iphe bụ
ikfu anọduje awụ ala;
eje ọja Ojejoje ajaja;
mbụ ndu ikfu kẹ Ojejoje;
bụ iya bụ iphe ị tụru
l'ekemu doberu ndu Ízurẹlu.
5Ọ bụ l'ẹke ono;
bẹ aba-eze, aanọ ekpe ikpe nọ;
mbụ aba-eze, shi l'ụlo Dévidi.
6Unu kfuru nụ Nchileke
tẹ nchị dụ Jerúsalemu ndoo:
“Ndu yeru ngu obu; t'iphemiphe ọbule;
bụkwaru ndu yeru ngu obu akpụto l'ọborotu.
7Tẹ nchị dụkwa ndu ụlo ngu ndoo;
ẹhu-agu abụru kẹ ndu mkpụkpu unu.”
8Mu gude okfu ẹhu unwunne mu;
mẹ lẹ ndu ọ̀nyà mu phẹ l'ekfu; sụ:
“Tẹ nchị dụkwa nggụbe
Jerúsalemu ndoo!”
9Mu gude okfu ẹhu
eze-ụlo Nchileke,
bụ Nchileke ayi achọ
tẹ iphemiphe ọbule
bụru akpụta yẹle ọborotu lẹ Jerúsalemu.