nggụbe Ojejoje; za mu oku;

kẹle mu bụ onye ụkpa,

ẹ te nwedu ẹge ọ haru iya.

kẹle mu yeru ngu obu.

Ọ bụ nggu bụ Nchileke mu;

dzọfutanu mụbe nwozi ngu,

dakoberu ngu nụ.

nggụbe Nnajiufu;

kẹ l'ọ bụ nggu;

bẹ mu anọduje

akpọ-ku mkpụrumkpuru.

kẹ l'ọ bụ nggụbe Nnajiufu;

bẹ obu mu kpamukpamu akpọ-ku.

ị bụ onye ọma; bya abụru

onye agụjeru madzụ nvụ.

Iphe bụ ndu arakuje ngu nụ;

bẹ iiyejeru obu nshinu.

mu ekfu anụ ngu;

nggụbe Ojejoje!

Ngabẹnu nchị;

nụa mkpu, mu echiku ngu

t'i meeru mu eze-iphe-ọma!

bẹ mu akpọ-kuje ngu;

kẹle mu maru l'ịi-nụ-a olu mu.

b'ẹ t'o nwedu ọphu dụ

l'ọ bụ nggụbe Nnajiufu;

ọphu ọ dụdu iphe ẹphe eme,

aa-tụru yeru ọphu iime.

bụ nggu gude ẹka ngu

mee ẹphe ono

e-mekochaa bya abaaru

nggụbe Nnajiufu ẹja; jaa ngu ajaja.

l'anọduje eme iphe, dụ biribiri.

Ọ bụ nggụbedua

nwẹnkinyi ngu bụ Nchileke.

kpọ-ziaru mu ụzo ngu;

k'ọphu mu a-nọdu etso

ụzo ire-lanụ ngu ono.

Menua t'ọriri mu bụru nanụ l'ẹke ị nọ;

k'ọphu mu a-nọdu atsụ ẹpha ngu egvu.

kele ngu ekele;

nggụbe Nnajiufu, bụ Nchileke mu.

Mu a-nọdu aja ngu ajaja jeye lẹ tutu yoyo;

bya anafụtawa ndzụ mu l'alị maa.

ndu eku onwẹphe ekuku

wụ-lihuakwaru bya etso mu okfu.

Ndu ẹ ta phụjeduru madzụ

imiko edzukobe l'achị nta ishi mu;

mbụ ndu ono, ẹ te nwedu

iphe ẹphe gụberu nggụbe Nchileke ono.

bụ Nchileke aphụjeru madzụ imiko;

l'emejeru madzụ eze-iphe-ọma.

Ẹhu te eghujedu ngu

eghughu ẹgwegwa.

N-yemobu ngu;

bẹ iiyeje yee ya k'etsutu iya.

Ị bụkwaphu o-me-g'o-kfuru.

phụa mu rụ imiko!

Menua tẹ ike nọdu mụbe nwozi ngu l'ẹhu!

Dzọnua mụbe nwatibe, nwanyi ono,

ejeru ngu ozi ono!

e-me tẹ mu maru l'ị dụ mma; k'ọphu bụ;

ndu ọhogu mu -phụa ya;

iphere egude ẹphe;

kẹle nggụbe Ojejoje

gbawaru mu mkpu bya adụa mu obu.