1Pakai chu aphatna jeh’in thangvah’un! Ami ngailutna dihtah chu tanglouvin aumjinge. ✡ 2Israel pumpin avel in seikit hen. Ami ngailutna dihtah chu tanglouvin aumjinge. 3Aaron chilhah holeh thempuhon avel in seikitnu hen. Ami ngailutna dihtah chu tanglouvin aumjinge. 5Kagenthei pet in Pakai kom ah kataovin ahileh Pakai in kataona asangin eilhadoh tai. 6Pakai keilanga apanleh ipi kakichat ding ham? kon I-eilothei dingham? ✡ 7Pakai keilanga apanleh Aman eipapin tin, eidou hochu kajosa tobanga kavetding ahi. 8Mihem a kingai sangin, Pakai kiselna a nei aphajoi. 9Leng chapate a kingai sangin, Pakai a kisel aphajoi. 10Eidouva chidang namdangten eiumkimvel jongleh keiman amaho chu Pakai thahatna jal'a kasuhmang ding ahi. 11Amahon eiumkimvellun eidelkhummun ahi, ahinla ken amaho chu Pakai hanta jallin kasumang gamtan ahi. 12Amahon khoi bangin eiumkimvellun eitommun, meikong a-al leng lungngin eileo tobang'in eibolseuvin ahinla keiman Pakai thahatna jallin amaho chu kasumangtan ahi. 13Kagal miten tha tei ding eigouvin ahin Pakai in eihuhdoh tai. 14Pakai hi kathahatna leh kala ahin Aman galjona eipetan ahi. ✡ 15Kipana le galjona lahi michonphate ponbuh sungah akisan, Pakai thahatna banjet in thil loupitah atongdohtan ahi.! 16Pakai thahatna banjetchun thil loupitah atongdohtan ahi. 17Keima thilouding kahin, Pakai in eibolpeh thilho phongdoh dinga kahinjoh ding ahi. 18Pakai in nasatah’in eijepmin, ahinlah eithisah pon ahi. 19Midih ho lutna kot chu neihondoh peh’in keima lut ing ting Pakai chu thangvahna kapehding ahi. 20Hiche kelkot hohi Pakai kom lhuntheina ahin michonpha hojong hicheahi lutji ahiuve. 21Kataona neisanpeh jehleh galjona neipeh jeh’in nangma kathangvah e! 22 ✡Insahon adeimova apaimangu inning’a songpi khomdet pennin apangtai. ✡ 23Hichehi Pakai natoh ahin mitvet dinga thilkidang tah ahi. 24Hiche nikho hi Pakaiyin asem ahin, eihon kipahtah leh thanomtah’a imandiu ahi. 25O Pakai lungsettah’in neihuhdoh’un, O Pakai lungset tah’in neilolhin sahtei teijun. ✡ 26Pakai minna hungpa chu anunnomme. Pakai houinna kon in nangho phatthei kahinboh’un ahi. ✡ 27Pakai chu Pathen ichunguva hi vahjinga uma ahi. Kilhaina sa chu khaovin khitninlang maicham ki ho chutoh khitbeh’in 28Nangma ka Pathen nahin keiman kavahchoi ding nahi! Nangma ka Pathen nahin keiman kachoisang ding ahi. 29Pakai chu aphatna ho jeh’in thangvah’un! Ajeh chu amingailutna dihtah chu tonsot'a umjing ahi.