1Pakai kataona ngaiin! Kangeh nahi neisanpeh in. 2Kei a kon in kiheimang hih’in, kahahsat phatleh khohsah tah’in neingaipeh in, kangaichat phatleh neihin gelkhoh in, 3Ajeh chu kahinkho hi meikhu bangin abeipai jitai, kagu kachang hi asadohji tai. 4Kalungsung hi anadohjin hamhing bangin agolha jitai, chutengle chun kagilkel jong abeipaiji tai. 5Ajeh chu lunggim a kakhoisat sat jeh’in kavun le kagu hobou kahitai. 6Keima neldi gam a sumbupi toh kabangtai, gamlatah gamthip gam a sumbupi noutoh kabangtai. 7Keima kahah khovahjin, inting vumma vacha changkhat seh lunghel tah-a um kabange. 8Kagal miten sun nilhu in eitaitom jingun, amahon eisamseuvin eitaitom jingun ahi. 9Keima buneh jong nen eh jeng ahitai. Kadon na sunga jong kamitlhi alonglut tai. 10Nalunghan le lungphatmo nachun eiin eiman tum in eipaidoh tai. 11Kahinkho hi nilhah lang nilep bangin achemang loijitai. Keima hampa bangin kagop lhaloi jitai. 12Ahinla Pakai nangvang nalaltouna a natoujing ding ahi. Naminthan na akhang khanga chelhajing ding ahi. 13Nangma hung kipat in natin Jerusalem hi nahin khoto ding ahi. Tuahi aman-u khohsah phat ahin, tuhi kitepna dungjui a mi kithopi phat ahi. 14Ajeh chu namiten bang’a song jouse angailu uvin chuleh lamlenna vutvai hojeng jong angaisang’un ahi. 15Chujouteng leh chitin namtin ten Pakai ang-a kithing thingding ahi, 16Ajeh chu Pakai in Jerusalem ahin thahsem kitding chutengle Ama aloupina-a hung kilang ding, 17Aman tahlelte taona ahin sanding Aman angaichat hou asanpehding ahi. 18Khonunga khangthahho dinga kijihlut pehding hitia chu tua pengloulai hon Pakai chu ahin thangvah dingu ahi. 19Pakai in van muntheng a kon a ahin vetsuh ding, Aman van'a kon a leiset hi ahin vetsuh ding 20songkul tangte khoisatna ajahding thidinga themmo kichanho alha doh dinga, 21hiteng chuleh Pakai minthanna chu Zion a lopna umding, chule Jerusalem a kithngvah ding ahi. 22Mihonpi tamtah chu ahung kikhopkhom tengleh lenggam hochu Pakai chibai boh a hungdiu ahi. 23Aman kaban thahat akim laitah avolhun kahinkho asuchomtai. 24Hinla keiman Ama kakouvin “Oh Pakai tonsot'a hingjing kakhandon laitah ahin kahinkho lahih’in. 25Kum tamtah achetai, nangin hiche leiset leibul nana lhungdoh’in, van hohi nakhut tah’in nanasemdoh in, ✡ 26hihojouse hung mangthah ding ahinlah nang tonsotna nahinjing ding ahi, amaho ponlui bangin hungvui lhantin, Nangin amaho chu von banga nakhelding chujouteng napai mangdiu ahi. 27Hinla Pakai nangvang abang chu nahijingin ahi. 28Nangma mite chate jouse lungmong a umdiu ahi. Achate chateho chu na-anga hung khanglen diu ahi.