នាវរេសតឹងនាវកោរាញឞ្រាសអុច
1អើអ៝សនោតានាវញឆីង យ៝រមាកោរាញឞ្រាសយោៈនអាចខាន់អៃមៃ គ៝ប់ដាៈខាន់អៃមៃអ៝ន់ជាវហ៝ម់ឆាក់ខាន់អៃមៃនើមមាកោរាញឞ្រាសតឹមឞានមាឞូញហើរនទើមាកោរាញឞ្រាស ជេងនទើអីហោមរេស ជេងនទើក្ល៝សអ្វែស ជេងនទើអីអ៝ន់កោរាញឞ្រាសរាម់មអាក។ នាវខាន់អៃមៃជានកើតនៃជេងនាវយើកមឞាសមាកោរាញឞ្រាសអីទីងាន់។ 2លើយហោមអោសជានតឹងនាវគុរេសឞូនុយ្សអីមោញឆីងមាឞ្រាសក្រីស វៃជាន អ៝ន់កោរាញឞ្រាសរាគ៝ល់លើយនូយ្សនហ៝ម់នាវមឹនអើមអ៝ន់ជេងមហែ គៃមាអ៝ន់ខាន់អៃមៃគឹតម៝សនទើអីកោរាញឞ្រាសអុច ជេងនទើអីអ្វែស អីអ៝ន់ពាង់រាម់មអាក ទឹងលែៈនទើអីទុតអ្វែស។ 3តាៈឞើសនាវអ្វែសកោរាញឞ្រាស ពាង់អ៝ន់នាវទើយមាគ៝ប់ នទ្រីទឹងគ៝ប់ទើយដាៈទឹងលែៈខាន់អៃមៃកើតនអា៖ លើយអោសខាន់អៃមៃគែសនាវមឹនរាលាវអីរមាខាន់អៃមៃនើម យើនមាអ៝ន់ខាន់អៃមៃគែសនាវមឹនងក្ល៝ន់អេងឆាក់ខាន់អៃមៃនើមអ៝ន់នហេល តឹមទីដាសនាវគឹតនាវឞ្លាវអីកោរាញឞ្រាសទែអ៝ន់មាខាន់អៃមៃទូហ្វេទូហ្វេយ៝រមានាវញឆីងមាឞ្រាសក្រីស ។ 4តាឆាក់ជាន់ឞូនុយ្សគែសអ៝ក់នតីលអេងៗ ជេសរីទឹងលែៈនតីលអីនៃគែសនទើជានអេងៗឞាល់។ 5តាផូងឞ៝ន់តឹមឞានកើតនៃដ៝ង់ ឞ៝ន់គែសអ៝ក់ឞាល់ យើនមាជេងតឹមឞានមាទូរាង្លៃឆាក់តាឞ្រាសក្រីស ទើម ជេសរីទឹងលែៈឞ៝ន់ជេងនតីលអេងៗគុតឹមរាង្លាប់ឞាល់តាឆាក់អីនៃ។ 6តាៈឞើសនាវអ្វែសកោរាញឞ្រាស ពាង់អ៝ន់ទើមទាមនាវគឹតនាវឞ្លាវអេងៗមាទូហ្វេទូហ្វេឞ៝ន់។ លាសកោរាញឞ្រាសអ៝ន់មាទូហ្វេអ៝ន់ឞ្លាវនតើយ្សនាវងើយពាង់នើម អ៝ន់ឞូនុយ្សអីនៃទ៝ង់នាវឞ្លាវអីនៃតឹមទីមានាវញឆីងពាង់ទោ។ 7លាសកោរាញឞ្រាសអ៝ន់ទូហ្វេឞ្លាវឆើមកើលជានការមាឞូ អ៝ន់ឞូនុយ្សអីនៃគើយ្សឆើមកើលជានការមាឞូទោ។ លាសកោរាញឞ្រាសអ៝ន់ទូហ្វេឞ្លាវនតុមនតីនាវកោរាញឞ្រាសអ៝ន់មាឞូ អ៝ន់ឞូនុយ្សអីនៃគើយ្សនតុមនតីមាឞូទោ។ 8លាសកោរាញឞ្រាសអ៝ន់ទូហ្វេឞ្លាវនហាវនូយ្សនហ៝ម់ឞូ អ៝ន់ពាង់នហាវនូយ្សនហ៝ម់ឞូទោ។ លាសអ៝ន់ទូហ្វេឞ្លាវពាៈទ្រាប់នទើពាង់នើមអ៝ន់មាឞូអេង អ៝ន់ពាង់ពាៈមាឞូមាលែៈនូយ្សនហ៝ម់ទោ។ លាសអ៝ន់ទូហ្វេឞ្លាវម៝ត់អ្វាញ់ឞូ អ៝ន់ពាង់ម៝ត់អ្វាញ់អ៝ន់អ្វែសទោ។ លាសអ៝ន់មាទូហ្វេគែសនាវយោៈមាឞូនុយ្ស អ៝ន់ពាង់កើលឞូមានាវរាម់មអាក។
9អ៝ន់ខាន់អៃមៃគែសនូយ្សនហ៝ម់រ៝ង់មាឞូងាន់ងេនហ៝ៈ។ ឞ្យាញ់មានាវអ្យើស ជេសរីញអោតមានាវអីអ្វែសហ៝ៈ។ 10អ៝ន់ខាន់អៃមៃតឹមរ៝ង់នទ្រាង់នើមអីផូងញឆីងតឹមឞានមាអ៝សនោទូនទុលទែស ជេសរីតឹមយើកនទ្រាង់នើមកើបឞូអេងខ្លៃរាលាវមាឆាក់ខាន់អៃមៃនើម។ 11អ៝ន់គែសនូយ្សនហ៝ម់គើយ្សតាអាប់នតីលនទើ លើយប្លាវអោស។ ជេសរីឆើមកើលជានការមាឞ្រាសក្រីស អីកោរាញឞ៝ន់មាលែៈនូយ្សនហ៝ម់។ 12គុរាម់មអាកហ៝ម់យ៝រមានាវរានើមអីឞ៝ន់គែសតាឞ្រាសក្រីស ។ អ៝ន់គែសនាវអ៝ត់នូយ្សនោកគែសនាវជេរជ៝ត់។ អ៝ន់ញឆ្រោយ្សមឞើសឆើមបាបើ។ 13អ៝ន់កើលមាផូងប៝នលានកោរាញឞ្រាសឞូម៝សអីមោគែសមោត៝ង់។ អ៝ន់ឞ្លាវវើតរ៝មឞូនាច់រាសរើចដ៝ង់ ឞ៝លលាសខាន់អៃមៃមោគឹតនាល់កាដោយ។ 14អ៝ន់ខាន់អៃមៃទាន់កោរាញឞ្រាសអ៝ន់នាវគែសជេងមាឞូម៝សអីជានជេរដាសខាន់អៃមៃ អ៝ន់ទាន់នាវគែសជេងមាខាន់ពាង់ លើយអោសរាតាប់រាកមាខាន់ពាង់។ 15អ៝ន់ខាន់អៃមៃរាម់មអាកនទ្រែលហ៝ម់ដាសឞូនុយ្សអីគែសនាវរាម់មអាក ជេសរីញុមរាង៝តនទ្រែលមាឞូនុយ្សអីញុមរាង៝ត។ 16អ៝ន់គែសនាវមឹនទូនតោរនាវហ៝ៈ លើយអោសគែសនាវមឹននហាវអេងឆាក់ អ៝ន់គុនទ្រែលឞូនុយ្សអីឞូមឺចរាម៝ត លើយអោសកើបនហីអេងឆាក់លាសជេងឞូនុយ្សគឹតឞ្លាវហោងាន់។
17លើយអោសព្លើងនទើអ្យើសមាឞូជានអ្យើសមហឹក អ៝ន់ញឆ្រោយ្សជាននទើអីទឹងលែៈឞូនុយ្សកើបអ្វែស។ 18លាសខាន់អៃមៃទើយជាន អ៝ន់ខាន់អៃមៃគុរេសដាប់មពាន់នទ្រែលទឹងលែៈឞូនុយ្សទោ។ 19អើផូងគ៝ប់រ៝ង់ លើយអោសអ៝ន់ខាន់អៃមៃនើមព្លើងនទើអ្យើសមហឹកឞូជាន អ៝ន់កោរាញឞ្រាសហ៝ៈតេៈទោយ្សមាឞូនុយ្សអីនៃ យ៝រលាសលែៈគែសញចីសជេសលាសកើតនអា៖ «កោរាញឞ្រាសលាស៖ «នាវតឹមព្លើងទុតតាគ៝ប់នើម គ៝ប់ឆើមព្លើងអ៝ន់មាឞូ»»។ 20យើនមាលាសឞូជានអ្យើសមាខាន់អៃមៃ អ៝ន់ជានកើតលែៈគែសញចីសកើតនអា៖ «លាសឞូនុយ្សរាលាង់ដាសខាន់អៃមៃគែសនាវជីង៝ត អ៝ន់ខាន់អៃមៃឆ៝ៈព្យាង់ត្រាវពាៈអ៝ន់ពាង់ឆោងទោ លាសពាង់ជីហីរទាក ឆ៝ៈទាកអ៝ន់ពាង់ញេត យ៝រលាសជានកើតនៃជានអ៝ន់ពាង់ដីតព្រេងអេង»។ 21លើយអោសអ៝ន់នាវអ្យើសមហឹកទើយលែវខាន់អៃមៃជានតីស អ៝ន់នាវអ្វែសហ៝ៈទើយ យ៝រមាខាន់អៃមៃជាននាវអ្វែស។