1ទឹងលែៈកោរាញជានឞ្រាសទុតក្វ៝ង់ជេងឞូនុយ្សអីកោរាញឞ្រាសនើមកើយ្សឞើសផូងឞូនុយ្សអីឞ្លាវខឹត គៃមាឆើមនតាងផូងប៝នលានតានាប់មាត់កោរាញឞ្រាស។ ពាង់អីនៃឆើមញហើរនទើ នទ្រែលមាឆើមជានឞ្រាសមាកោរាញឞ្រាស គៃមាទាន់កោរាញឞ្រាសយោៈមោហោមកើបនាវតីស។ 2កោរាញជានឞ្រាសទុតក្វ៝ង់អីនៃពាង់រាអ្យា ហោមជានតីសកើតផូងប៝នលានដ៝ង់ កើតនទ្រីពាង់គែសនូយ្សនហ៝ម់មលែសឞ្លាវយោៈឞូនុយ្សអីជានតីស ឞូនុយ្សអីរាលូកម៝ល់មោអោសគឹតនទើអ្វែសនទើអ្យើស។ 3តាៈឞើសនាវរាអ្យាជានតីសអីនៃ ទឹងពាង់អ្យាត់មាញហើរនទើជានឞ្រាស គៃមាកោរាញឞ្រាសយោៈនាវតីសឆាក់ពាង់នើម នអ៝ប់មានាវតីសផូងប៝នលានដ៝ង់។
4មោគែសអោសទូហ្វេទើយនហាវអេងឆាក់ពាង់នើមជេងកោរាញជានឞ្រាសទុតក្វ៝ង់ កោរាញឞ្រាសនើមទើមកើយ្ស កើតពាង់លែៈកើយ្សដ៝ង់មាអារោន កាល់អែនើសជេងកោរាញជានឞ្រាសទុតក្វ៝ង់។ 5កើតនទ្រីដ៝ង់ឞ្រាសក្រីស ពាង់មោអោសនហាវអេងឆាក់ពាង់នើមជេងកោរាញជានឞ្រាសទុតក្វ៝ង់ កោរាញឞ្រាសនើមកើយ្សពាង់។ កោរាញឞ្រាសលាសមាពាង់៖
«មៃអ្យាក៝នគ៝ប់នើម
នារអ្យាគ៝ប់អ៝ន់ឞូគឹត គ៝ប់ឞឹមៃងាន់»។
6កោរាញឞ្រាសលាសជឹតមាពាង់តាត្រ៝ងអេងកើតនអា៖
«មៃជេងឞូនុយ្សជានឞ្រាសបាបើនហ៝រ៝
កើតកាដាច់មិលកីឆាដែក អីឞូនុយ្សជានឞ្រាសដ៝ង់»។
7នោកឞ្រាសយេឆូ គុរេសតានែសនតូអ្យានើស ពាង់នតែរមឞើសឆើមមាកោរាញឞ្រាសហោងាន់នអ៝ប់មាលោសទាកមាត់ ទាន់កោរាញឞ្រាសអីទើយរាក្លាយ្សពាង់ឞើសនាវខឹត។ ជេសរីកោរាញឞ្រាសអ្យាត់នាវពាង់ទាន់នៃ យ៝រលាសពាង់យើកកោរាញឞ្រាស នអ៝ប់មាអ្យាត់ជានតឹងនាវកោរាញឞ្រាសទែដាៈ។ 8ជេសរីឞ៝លលាសពាង់អីក៝នកោរាញឞ្រាសនើមកាដោយលែៈ ពាង់ហោមអែនតីអ្យាត់នាវកោរាញឞ្រាសដាៈ តាៈឞើសនាវជេរជ៝ត់ពាង់នើម។ 9ត៝ត់មាពាង់លែៈជានលោចលែៈផ្យៅនទើកោរាញឞ្រាសដាៈមាពាង់ពាង់ជេងតើមនាវរាក្លាយ្សនហ៝រ៝ឞើសនាវតេៈទោយ្សអ៝ន់មាទឹងលែៈឞូនុយ្សអីអ្យាត់នាវពាង់ 10នអ៝ប់មាកោរាញឞ្រាសកើយ្សពាង់ជេងកោរាញជានឞ្រាសទុតក្វ៝ង់កើតតឹងនតីលកាដាច់មិលកីឆាដែក ជានឞូនុយ្សជានឞ្រាសដ៝ង់។
នាវអ្យាត់ នទ្រែលមានាវញឆ្រោយ្ស
11គ៝ប់ហោមគែសអ៝ក់នាវអុចមឞើសងក៝ចមានាវអីនៃ យើនមាជេរងាន់មាមឞើសងក៝ច យ៝រលាសខាន់អៃមៃអ្យាត់ជ៝ៈងាន់វ៝ត់។ 12ទីលាសខាន់អៃមៃលែៈជាននើមនតី តីសមាហោមអ្យាត់មាឞូនតីខាន់អៃមៃនាវកោរាញឞ្រាសអីញចោមានតើមតឹមឞានមាឞូនុយ្សអីមហែឆឹតញឆីង។ ខាន់អៃមៃតឹមឞានមាអ៝សឞេអីឞ្លាវញេតទើមមាទាកត៝ស អេហ៝ៈអោសឞ្លាវឆោងឆាមានទើទាង់។ 13ឞូម៝សអីហោមអុចទើមមាទាកត៝ស ពាង់អីនៃអេហ៝ៈអោសវ៝ត់មានទើជានឆ៝ង់ យ៝រលាសពាង់ហោមអែអ៝សឞេទើម។ 14យើនមានទើឆោងឆាទាង់ព្រាប់អ៝ន់មាឞូរាញ គែសនាវខ្លៃលាសនាវនតីជ្រូ ទីមាឞូនុយ្សអីលែៈវៃគឹតម៝សនទើអ្វែសនទើអ្យើសទើម។