ពោល ហាន់តាឞ្រីមាឆេដោន នទ្រែលមាឞ្រីគ្រែក
1នាវអុសអាសតាសត៝រ់នៃឞាសលែៈផ្យៅ ពោល រាគូមផូងអ៝សម៝ននហាវនូយ្សនហ៝ម់ខាន់ពាង់ នទ្រែលមានតិញនតាន់ខាន់ពាង់ ជេសរីពាង់លោសឞើសប៝នអេផេឆោ នៃហាន់តាឞ្រីមាឆេដោន ។ 2ពាង់ហាន់គ្លាត់រ៝ៈឞ្រីនៃ នហ៝មានហាវនូយ្សនហ៝ម់អ៝ក់ងាន់មាផូងញឆីង។ ជេសឞើសនៃពាង់ហាន់ត៝ត់តាឞ្រីគ្រែក 3គុតាឞ្រីនៃគែសពែខៃ។ ទោលពាង់នទ្រាប់ញច៝ទូកហាន់តាឞ្រីឆីរី ផូងអីឆ្រាអែល អាបាៈតឹមទីនាវគៃមាជានអ្យើសមាពាង់តាទូកអីនៃ។ ពោល គឹតកើតនៃ យើនមាពាង់ហោមអុចហាន់ជឹតឞ្រីឆីរី នទ្រីទឹងពាង់ឞ្រោៈព្លឹគ្លាត់តៃជឹតឞ្រីមាឆេដោន ។ 4ផូងហាន់នទ្រែលពាង់តានៃ គែសឆូពាត្រុស អីក៝នពីរោស តាៈឞើសប៝នបេរា គែសអើរីសដារកុស នទ្រែលមាឆេកុនតុស តាៈឞើសប៝នតេឆាលោនិក គែសកៃយុស តាៈឞើសប៝នដើបេ គែសតីខីកុស នទ្រែលមាត្រោផីម តាៈឞើសឞ្រីអាឆី នទ្រែលមាតីមោថេ ដ៝ង់។ 5លែៈមពោលនៃហាន់ល៝រ គុក៝ប់ហេនតាប៝នត្រោអាស ។ 6អីហេនរីហាន់តាប៝នផីលីប ។ ជេសនារញេតបុនឆានុមពាង់មោគែសនទ្រូយ ហេនលោសឞើសប៝នអីនៃញច៝ទូកជ៝ៈព្រាម់នារទឹងត៝ត់តាប៝នត្រោអាស ម៝ប់ដាសខាន់ពាង់តានៃ ជេសរីគុតាប៝ននៃពើសនារ។
ពោល នហាវនូយ្សនហ៝ម់ផូងញឆីងតាប៝នត្រោអាស
7តានារពើស ហេនគុរាបុនគៃមាគុឆោងឆានទ្រែល។ ពោល នតីអ៝ន់ឞូអ្យាត់ ពាង់មឹនអុចហាន់នារអោយតៃ កើតនទ្រីពាង់គុនតីត៝ត់ងគូលមាង់។ 8នតុកហេនគុរាបុនតាជ្រោកាលើពែទាប់នៃ គែសអុញឆាគេងអ៝ក់ងាន់។ 9ទោលពោល នតីជ៝ៈងាន់នៃ តានៃគែសទូហ្វេក៝នឆែលែៈនទាម់រាញាអើតីកុស គុតាឞោកមពោងឞ្ល៝សញីសនៃ ពាង់លែៈជីឞិចទុតហោ ពាង់ឞិចគូយតុបអានែសឆូឞើសនតុកពែទាប់នៃ។ ជេសរីឞូទែពឺឞើសអ្យាពាង់លែៈរ៝សនហ៝ម់ជេស។ 10 ពោល ជុរអានែសឆូ ពាង់កុញអូតឞូនុយ្សរី ជេសរីលាសមាឞូ៖ “ខាន់អៃមៃលើយរាវៃ ពាង់មោអោសខឹត”។ 11ជេសរីហាវតៃកាលើរី ពាង់គិចនុមពាង់នៃឆា ជេសឆានុមពាង់នៃពាង់នតីតៃជ៝ៈជឹត នហ៝មាត៝ត់ឞ្រីអាងអោយ រីមើពាង់លោសឞើសនតុកនៃហាន់។ 12អីក៝នឆែនទាម់នៃហោមរេស ជានអ៝ន់នូយ្សនហ៝ម់ខាន់ពាង់អ្វែសមអាកងាន់។ ឞូលែវពាង់ឆឹតអាជៃពាង់នើម។
ពោល គុតាប៝នមីលេត
13អីហេនរីញច៝ទូកហាន់ល៝រតាប៝នអាឆុស គៃមាម៝ប់ពោល តាប៝ននៃ យ៝រមាពាង់លែៈអុចឞ្រោៈត្រ៝ងជ៝ង់ត៝ត់តានៃ។ 14ត៝ត់តឹមម៝ប់តាប៝នអាឆុស ពាង់លាប់តាទូកនទ្រែលហេន ជេសរីហាន់តាប៝នមីតោលែន ។ 15-16 ពោល លែៈលាសជេសពាង់មោអុចលាប់តាប៝នអេផេឆោ ក្លាចលាសគុជ៝ៈអីរតាឞ្រីអាឆី យ៝រលាសពាង់អុចគើញត៝ត់តាប៝នយេរូឆាលឹម គៃមាញេតបុន ៥០ នារតានៃ លាសមាទើយ។ នទ្រីទឹងហេនញច៝ទូកលោសឞើសមីតោលែន នៃ នារអោយតៃហេនត៝ត់ទាច់មាគោលទាកខីយោស ។ នារអោយក្លាកហេនហាន់នហ៝តប៝នអេផេឆោ ត៝ត់តាគោលទាកឆាមុស [ជេសរីហេនគុទូប្ល៝ត់តាប៝នត្រោកីលេម ] នារលាកង្វាយ(លាកមីស)រីមើហេនត៝ត់តាប៝នមីលេត ។
ពោល ងើយមាផូងកោរាញផូងញឆីងតាប៝នអេផេឆោ
17ជេសរីពោល ដាៈឞូតាៈឞើសប៝នមីលេត ហាន់តាប៝នអេផេឆោ គៃមាជាៈផូងកោរាញផូងញឆីងមាឞ្រាសក្រីស តាប៝ននៃហាន់ម៝ប់ពាង់។ 18ត៝ត់ខាន់ពាង់អីនៃតាប៝នមីលេត ពោល ងើយ៖ “ខាន់អៃមៃលែៈគឹតជេសនាវគុងាវគ៝ប់តាខាន់អៃមៃ លែៈនទើគ៝ប់ជានអាប់ម៝ងអាប់នារ នតើមឞើសគ៝ប់ត៝ត់តាឞ្រីអាឆី អ្យា។ 19គ៝ប់ជានការតាខាន់អៃមៃជេងតឹមឞានមាឞូនុយ្សអីជេៈតាន៝ម់ឞូ នអ៝ប់មាហ៝រទាកមាត់ នអ៝ប់មាគែសនាវជេរយ៝រមាផូងអីឆ្រាអែល អាបាៈអីអុចជានអ្យើសមាគ៝ប់។ 20ខាន់អៃមៃលែៈគឹតជេស នោកគ៝ប់នតីខាន់អៃមៃតានាប់ឞាល់ផូង នទ្រែលមារ៝ៈជៃដ៝ង់ លែៈនទើខ្លៃអីគែសនាវខ្លៃមាកើលខាន់អៃមៃគ៝ប់លែៈមឞើសអ៝ន់មាខាន់អៃមៃដ៝ង់ គ៝ប់មោអោសពោនម៝។ 21គ៝ប់មឞើសងក៝ចអ៝ន់មាផូងអីឆ្រាអែល នទ្រែលមាផូងគ្រែក មានាវរាគ៝ល់នូយ្សនហ៝ម់អ្យើសឆឹតមាកោរាញឞ្រាស ញឆីងមាកោរាញយេឆូ [ក្រីស ]អីកោរាញមាផូងឞ៝ន់។ 22អាបៃអ្យា ឞ្រាសហ្វេងអ្វែសអុចអ៝ន់គ៝ប់ហាន់តាប៝នយេរូឆាលឹម យើនមាគ៝ប់មោគឹតអោសម៝សនាវគែសមាគ៝ប់តាប៝ននៃ។ 23គ៝ប់មានមាគឹត អាប់ប៝នឞ្រាសហ្វេងអ្វែសអីក្ល៝សអ្វែសមឞើសមាគ៝ប់លាស៖ គ៝ប់ឞូទែញុបចាប់ នទ្រែលមាគែសនាវជេរជ៝ត់។ 24គ៝ប់មោរាវៃអោស គ៝ប់មោដ៝ង់កើបនាវរេសអ្យាជេងខ្លៃមាគ៝ប់។ គ៝ប់មានមាអុចជានត៝ត់ជេសការអីកោរាញយេឆូ ទែអ៝ន់មាគ៝ប់អេល៝រគ៝ប់មាខឹត។ ការអីនៃជេងមឞើសងក៝ចនាវមហែមហានអ្វែសកោរាញឞ្រាសគែសនាវយោៈនអាចអ្យា។ 25គ៝ប់លែៈវៃគុនទ្រែលខាន់អៃមៃ មឞើសងក៝ចនាវកោរាញឞ្រាសអុចម៝ត់អ្វាញ់ឞូនុយ្ស។ អាបៃអ្យាគ៝ប់លែៈគឹតនហេលនានេៈងាន់ ខាន់អៃមៃមោហោមអោសឆៃមុសមាត់គ៝ប់ជឹត។ 26កើតនទ្រីគ៝ប់មឞើសងក៝ចនាវខ្លៃមាខាន់អៃមៃនារអ្យា៖ លាសតាផូងខាន់អៃមៃគែសទូហ្វេមោគែសរាក្លាយ្ស មោអោសទីយ៝រមានាវតីសគ៝ប់ 27យ៝រលាសទឹងលែៈនាវកោរាញឞ្រាសអុចមាឞ៝ន់ គ៝ប់លែៈមឞើសងក៝ចមាខាន់អៃមៃទាទេជេស គ៝ប់មោអោសពោនម៝។ 28កើតនទ្រីអ៝ន់ខាន់អៃមៃគុម៝ត់ញជ្រាង់ឆាក់ នទ្រែលមាម៝ត់ញជ្រាង់ផូងញឆីង យ៝រលាសឞ្រាសហ្វេងអ្វែសអីក្ល៝សអ្វែសលែៈអ៝ន់ជេសនាវការអ្យាមាខាន់អៃមៃ អ៝ន់ខាន់អៃមៃម៝ត់ផូងញឆីងមាកោរាញឞ្រាស អីលែៈជេសកោរាញឞ្រាសច្វាយមាមហាមក៝នពាង់នើម។ 29គ៝ប់លែៈគឹតជេស ទោលគ៝ប់លោសឞើសនតុកអ្យា មរាគែសឞូនុយ្សអាបាៈលាប់តាផូងខាន់អៃមៃនតុមនតីនទើមោទី។ ខាន់ពាង់ជាញអ្យើសតឹមឞានមាឆ៝ឞ្រីលើសលើយឞែឞ្យាប់ផូង ខាន់ពាង់មោគែសអោសនាវយោៈមាផូងញឆីង។ 30នអ៝ប់មាគែសឞូនុយ្សអាបាៈតាផូងខាន់អៃមៃនើម ខាន់ពាង់នតីតីសដ៝ង់ គៃមានទើមផូងញឆីងអ៝ន់តឹងខាន់ពាង់។ 31កើតនទ្រីអ៝ន់ខាន់អៃមៃគុញជ្រាង់រាប់ជាប់ អ៝ន់កាសគឹតនាវគ៝ប់លែៈនតីមាខាន់អៃមៃជ៝ៈពែនាម់នើស មោគុមោរាលូ ទឹងមាង់ទឹងនារ នហ៝មាលែៈលោសទាកមាត់យ៝រមាខាន់អៃមៃដ៝ង់។
32អាបៃអ្យាគ៝ប់ទាន់កោរាញឞ្រាសម៝ត់អ្វាញ់ខាន់អៃមៃ នទ្រែលមាអ៝ន់ខាន់អៃមៃកាសគឹតមានាវមឞើសងក៝ចមានាវអ្វែសពាង់។ នាវមឞើសងក៝ចអ្យាទើយរាទ៝ក់ញជេងខាន់អៃមៃអ៝ន់លើហោគែសនាវញឆីង នទ្រែលមាអ៝ន់ខាន់អៃមៃឆ៝ៈទើនលែៈនទើអ្វែសអីកោរាញឞ្រាសអុចអ៝ន់មាផូងក្ល៝សអ្វែសទឹងលែៈ។ 33គ៝ប់មោព្រ៝តអោសកើញគែសព្រាក់មាយ្ស មោលាសឞ៝កអាវឞើសឞូទូហ្វេ។ 34ខាន់អៃមៃលែៈគឹតជេស គ៝ប់ជានការមានហ៝ម់ឆ្វានគ៝ប់នើម គៃមាម៝ត់ឆ្យាម់ឆាក់គ៝ប់នើម នទ្រែលមាឞូនុយ្សអីគុនទ្រែលគ៝ប់ដ៝ង់។ 35ទឹងលែៈនតីលនទើអីនៃ គ៝ប់ជានគៃមាលែវនាវអ្វែសអ៝ន់មាខាន់អៃមៃញឆ្រោយ្សជានការ គៃមាកើលឞូនុយ្សអ៝អាច។ អ៝ន់ខាន់អៃមៃកាសគឹតនាវងើយកោរាញយេឆូ ពាង់លាសកើតនអា៖ «អ្វែសដេៈអ៝ន់នទើមាឞូ ដាសមាឆ៝ៈទើននទើតាៈឞើសឞូ»”។ 36ជេសពោល ងើយកើតនៃ ពាង់ច៝នកោម៝ក់ នទ្រែលមាទឹងលែៈខាន់ពាង់ ជេសរីមឞើសឆើម។ 37ទឹងលែៈផូងខាន់ពាង់នៃញុមទាទេងាន់ ខាន់ពាង់អូតតាឆាក់ពោល នទ្រែលមាចុមនតិញពាង់ដ៝ង់។ 38ខាន់ពាង់គែសនាវរាង៝តងាន់ យ៝រមាតាង់នាវពោល លាសខាន់ពាង់មោហោមអោសឆៃមុសមាត់ពាង់ជឹត។ ជេសរីឞូញជុនពាង់ត៝ត់តានតុកទូក។