Nigada paila kabokwala
1Mwa Yaubada! Kulagi ulo dou,
e kunakaigali ulo nigada.
2Tutala ulo pikwaku eiwokuva deli asikaduwonaku metoya ogu valu,
mapaila adou baisa yoku.
Kukwauwaigu kulauwaigu kwaitala kabokwala bwaina,
3paila yoku wala agu tokwala,
e yoku agu taboda peula metoya agu tilaula.
4Kutagwala basisu om Bwala Kwebumaboma ogu tuta komwaidona,
e basisu luvala wowogu osikowala pinupanem.
5Mwa Yaubada! Yoku bogwa kulagi komwaidona ulo biga katotila,
e bogwa lokusakaigu avaka ibodi bakayosisi komwaidomasi yakamaisi availa availa katemmalaimsi.
6Kukwatumkulovi guyau kala taitu bibidubadu,
e kutagwala matauna bisisu tuta kaduwonaku!
7Mwa Yaubada! Ibodi matauna la karaiwaga gala kala vigimkovila metoya omatam.
Kukoli matauna e kumitukwaii deli m kimadagi.
8Mapaila tuta komwaidona bausiwosi kam yakaula,
e yam kwaitala kwaitala basisakaim avaka bogwa lakatotila.