Bibeli Luayãtaalá Soũↄ 113

Dii táasilɛa

1Àleluya!

Dii zↄ̀blenaↄ, à aà táasilɛ,

í aà tↄbↄ!

2Gbɛ̃́pii Dii sáaukpa

za gbã e gↄↄpii.

3Gbɛ̃́pii Dii tↄbↄ

sɛa za ĩatɛ̃bilɛa e a gɛ̃kpɛukĩi.

4Dii ku musu, a dɛ bui píila,

à tↄbↄ̀ e à mà musua.

5Gbɛ̃e i ka Dii wá Luawao,

a zↄ̃lɛa báawa musu.

6Ì wɛ́kpalɛ zĩ́lɛ,

ì musu ń tↄↄlɛo gwa.

7Ì yɛ̃̀ɛɛsaideↄ bↄ bùsutiu, ì ń fɛlɛ,

ì wɛ̃nadeↄ bↄ túfuu, ì ń sɛ́ lɛsĩ.

8Ì ń da kíabuiↄ guu,

anzĩa gbɛ̃́ kíabuiↄ guu.

9Ì to fĩi nɛ́ bↄbↄ,

i gↄ̃ nɛade pↄnade ũ.

Àleluya!