Bibeli Luayãtaalá Yobu 25

Luaá Gbãapiideɛ

1Ɔ̃ Sua gbɛ̃́ Bilidada mɛ̀:

2Lua ì a bɛ gwa musu we yãkelesai,

kíakɛ dɛ aà yã́ ũ, à kà wà vĩakɛɛ̀.

3Aa zĩgↄ̃ↄ lɛ́ vĩe?

Ali gupu gbɛ̃́piiɛo lé?

4Kpelewa gbɛ̃́ a fↄ̃ bↄ maa Luaɛi?

Kpelewa gbɛ̃́ pↄ́ nↄɛ kùlɛ ì a fↄ̃ àↄ ku gbãsĩsaii?

5Lá mↄvua lí tɛkɛ iwesasaio,

mɛ́ saanaↄ pípiaɛ̀o,

6wa gbɛ̃nazĩna pↄ́ dɛ kↄ̀ↄbii

ge kↄ̀ↄtɛ̃ ũ yã'o lↄe?