1N tee soonnae ki guu maa Yennu n tinnin,

u niŋe ki n tinnu saa nyi.

2U kuukɔɔe guun, ki bia saa tinnin,

ŋɔɔe tee n sommtɔɔ, ki n kan ban baa.

3I saa lek jɔɔ ki lin wei nlee?

I kur na saa taan ki nyiauwa-a?

U kaa paŋ nan joonkpeeuŋ nae.

4Yimme loon yin sikin u jirima,

ki fa fai ki li mani, ki piak nyint piisin mɔmaan,

ŋaan ki i para ni, ki i sat mɔtont ki teenɔ.

5N maa Yennu kuukɔɔ paake, u niŋe ki n mɔk dindann.

6U kuukɔɔe guun, ki bia saa tinnin,

ŋɔɔe tee n sommitɔɔ, ki n kan ban baa.

7N tinnu nan baakir saa nyi Yennu boore,

ŋɔɔe tee n guutɔɔ nba ŋan, ki tee n gungurboor.

8N niib, teent Yennu yada yoo kur,

ki betɔ i daamii kur, kimaan ŋɔɔe tee ti sindandiiuk.

9Nisaarik tee nan wamaasin nae,

Fi-i jiib ki paan bikir paak, bi ki mɔk kpiasu,

10A daa tee yada a fatuk ni,

a bia daa mɔk japaat nanyuk bona paaki.

A mɔkint-i lekii pukin biaŋinba, ŋaan a daa maa li paaki.

11N gbat ki Yennu yet nan taar munŋaa nawa,

12ki u lomm kaa gbennu.

Barmɔnii, u saa pa sɔɔ kura u paauk