1Yennu, n jikit n par ki meia.

2A nie ki n teen yada. Fatirin, ki nyinnin fei ni.

A daa te ki n datai laat paŋ ki gaarimi.

3Sɔɔ ki be ki sii mɔk dindann a paak ki tan di fei.

Binba tee mɔyêtuk damm na, ŋamme saa di fei.

4Yennu, wantin a sɔnii, fiitir ki wannin.

5Wantin ki mii be a barmɔnii sɔnii ni,

kimaan fine tee Yennu, ki tee n tinntɔɔ,

ki n dindann be a ni daa kur.

6Yennu, tiat a ninbatinu nan a lonjaann na po,

linba ki a din tur yaayoo niwa na.

7Nyikin chab yanbɔmm nan toonkpeta nba ki n tun

Yennu, a lomm nan a ŋant paak, a tiar n po.

8Kimaan Yennu nba be fanu, ki u toona ŋan na paak,

ki u want yanbɔndamm sɔnŋanu nba ki bi saa tɔkin,

9ki dia binba sikin bi mɔŋ, ki wantib u sɔnu.

10Yennu dia u barmɔnii binbeŋ nan lomme,

ki ŋmakitir damm nba waa u mɔlor ki saak u sennu.

11Yennu, nyikin chab n yanbɔmm nba yab na,

kimaan a ŋant paak.

12Niib nba tiin Yennu,

ŋamme saa tumii ki bann u sɔnii nba ki bi saa tɔkin,

13ki bi saa mɔkit bi manfoor ni,

ki bi maaru tan saa di bi tiŋ faar.

14Yennu yɔɔsnbae tee damm nba mɔk mɔsaku nanɔ,

ki u gbeent u mɔlor namm.

15N gorii Yennu-e n sommir po yoo kur,

ki u nyintin daŋ ni.

16Yennu, ŋmantir n paak ki tinin ninbaauk,

kimaan n tee n kɔɔe ki di biak.

17Nyintin parbiir ni,

ki bia sommin ki min nyi daamii ni.

18Gotir n ninbaatir nan daamii nba tee,

ki nyik chab n yanbɔmm.

19Gotir n datai nba yab biaŋinba;

gotir baa namin biaŋinba.

20Ii guun, ki tinnin, ki daa te ki bi nyantin ki n di fei,

kimaan n baar a boor maa a sommime.

21N toonŋana nan n barmɔnii binbeŋ n tinnin,

kimaan n dindann kur be a paake.

22Yennu, tint a niib Israel teeb,