1Digbana niib kur n poi niipoouk nan parpeenn,

kii bia kii dont Yennu nan kunkɔpaara.

2Ŋaant ki tin chɔrin yabint daanɔ Yennu nba gar sɔɔ kur na,

ŋɔɔe tee kpanbar jaann nba dia tingbouŋ munn.

3U te ki ti nyann niib na, ki te ki ti dia digbana,

4ki gann tiŋ nba ki ti kɔɔ na ki turit,

ki li tee Israel teeb nba ki u loomm na japaat tiŋ.

5Yennu do u naangbant paak.

Waa do na ki niib tantir ki peeb naatuna nan parpeenn.

6Yinin yaŋ ki dont Yennu, yinin ki dont ti kpanbar maŋ,

yinin donta yanii,

7kimaan ŋɔɔ Yennu-e tee tingbouŋ na kur kpanbar,

yinin yaŋ ki dontɔ.

8Yennu kar u kasii naangbant paak ki dia digbana kur.

9Digbana diateeb kur taan be nan niib nba tee

kimaan kpanbara nba be tingbouŋ na paak tee Yennu yabe.

U ŋan nan dontir.