Muⱪeddes Kalam (yǝngi yeziⱪ)

Rǝbning künini kütüwelix
1Lekin i ⱪerindaxlar, silǝrgǝ xu ixlarning waⱪitliri wǝ zamanliri toƣrisida yeziximning ⱨajiti yoⱪ. 2Qünki ɵzünglar obdan bilisilǝr, Rǝbning küni huddi keqidǝ kirgǝn oƣrining kelixigǝ ohxax tuyuⱪsiz kelidu. 3Əmdi kixilǝr «Dunya tinq-aman boluwatidu» dǝp turƣanda, huddi ⱨamilidar ayalning tolƣiⱪi uxtumtut tutⱪinidǝk, ⱨalakǝt ularning bexiƣa tuyuⱪsiz qüxidu; xuning bilǝn ular uningdin ⱪeqip ⱪutulalmaydu. 4Lekin silǝr, i ⱪerindaxlar, ⱪarangƣuluⱪta turƣuqilar ǝmǝssilǝr; xuning bilǝn u kün silǝrni oƣridǝk qɵqütüp kǝlmǝydu. 5Qünki silǝr ⱨǝmminglar yoruⱪluⱪning pǝrzǝntliri, kündüzning pǝrzǝntliridursilǝr; biz keqigǝ tǝwǝ yaki ⱪarangƣuluⱪⱪa mǝnsup ǝmǝsmiz.
6Xuning üqün baxⱪa ⱨǝmmisidǝk uhlimayli, bǝlki sǝgǝk wǝ salmaⱪ bolayli. 7Qünki uhlaydiƣanlar keqisi uhlaydu, mǝst bolidiƣanlarmu keqisi mǝst bolidu. 8Biraⱪ ɵzimiz kündüzgǝ mǝnsup bolƣandin keyin, salmaⱪ bolayli, kɵkrikimizgǝ etiⱪad wǝ meⱨir-muⱨǝbbǝtni sawut ⱪilip, beximizƣa nijatⱪa baƣlanƣan ümidni dubulƣa ⱪilip kiyiwalayli;   9qünki Huda bizni Ɵz ƣǝzipigǝ uqritix üqün ǝmǝs, bǝlki Rǝbbimiz Əysa Mǝsiⱨ arⱪiliⱪ nijatⱪa erixtürüx üqün tallap bekitkǝn. 10U biz üqün ɵldi — mǝⱪsiti, ⱨayat ⱪelip oyƣaⱪ tursaⱪmu yaki ɵlümdǝ uhliƣan bolsaⱪmu, bizning Uning bilǝn billǝ ⱨayatta boluximiz üqündur.  
11Xuning üqün, ⱨazir ⱪiliwatⱪininglarƣa ohxax, bir-biringlarni dawamliⱪ riƣbǝtlǝndürüp, bir-biringlarning etiⱪadini ⱪurunglar.
Ahirⱪi tǝlim wǝ salamlar
12Əmdi i ⱪerindaxlar, aranglarda japaliⱪ ixlǝwatⱪan wǝ Rǝbdǝ silǝrgǝ yetǝkqilik ⱪilip, nǝsiⱨǝt beriwatⱪanlarni ⱪǝdirlixinglarni ɵtünimiz. 13Bu hizmǝtliri üqün ularni qongⱪur ⱨɵrmǝt wǝ meⱨir-muⱨǝbbǝt bilǝn ⱪǝdirlǝnglar. Bir-biringlar bilǝn inaⱪ ɵtünglar. 14Əmma, i ⱪerindaxlar, silǝrdin xunimu ɵtünimizki, tǝrtipsiz yürgǝnlǝrgǝ nǝsiⱨǝt beringlar, yürǝksizlǝrni riƣbǝtlǝndürünglar, ajizlarƣa yar-yɵlǝk bolunglar wǝ ⱨǝmmǝ adǝmgǝ sǝwriqan bolunglar. 15Ⱨeqⱪaysinglar yamanliⱪⱪa yamanliⱪ ⱪilmasliⱪⱪa kɵngül bɵlünglar, bir-biringlarƣa wǝ barliⱪ kixilǝrgǝ ⱨǝmixǝ yahxiliⱪ ⱪilixⱪa intilinglar.
16Ⱨǝrdaim xadlininglar. 17Tohtimay dua ⱪilinglar. 18Ⱨǝrⱪandaⱪ ixta tǝxǝkkür eytinglar. Qünki mana bular Hudaning Mǝsiⱨ Əysada silǝrgǝ ⱪaratⱪan iradisidur. 19Roⱨning otini ɵqürmǝnglar.    20Aranglarda pǝyƣǝmbǝrlǝrqǝ yǝtküzülgǝn bexarǝtlik sɵzlǝrni kǝmsitmǝnglar; 21ⱨǝmmǝ gǝpni tǝkxürüp ispatlap kɵrünglar; durus bolsa uni qing tutup ⱪoldin bǝrmǝnglar. 22Yamanliⱪning ⱨǝrⱪandaⱪ xǝklidin ɵzünglarni yiraⱪ tutunglar.  
23Hatirjǝmlikning Igisi bolƣan Huda Ɵzi silǝrni ɵzül-kesil pak-muⱪǝddǝs ⱪilƣay, Rǝbbimiz Əysa Mǝsiⱨ ⱪayta kǝlgüqǝ pütkül roⱨinglar, jeninglar wǝ teninglarni ǝyibsiz saⱪliƣay.    24Silǝrni Qaⱪirƣuqi bolsa sadiⱪ-wapadur, U uni jǝzmǝn ada ⱪilmay ⱪalmaydu.    25Ⱪerindaxlar, biz üqün dua ⱪilinglar. 26Ⱨǝmmǝ ⱪerindaxlar bilǝn pak sɵyüxlǝr bilǝn salamlixinglar. 27Mǝn Rǝbdǝ silǝrgǝ xuni jiddiy tapilaymǝnki, bu hǝtni xu yǝrdiki ⱨǝmmǝ muⱪǝddǝs ⱪerindaxlarƣa oⱪup beringlar! 28Rǝbbimiz Əysa Mǝsiⱨning meⱨir-xǝpⱪiti silǝrgǝ yar bolƣay!

■5:2 Mat. 24:43; 2Pet. 3:10; Wǝⱨ. 3:3; 16:15.

■5:3 2Tes. 1:9.

■5:4 Əf. 5:8.

■5:5 Luⱪa 16:8; Rim. 13:12; Əf. 5:8.

■5:6 Luⱪa 21:36; Rim. 13:11,13; 1Kor. 15:34; Əf. 5:14.

□5:8 «... salmaⱪ bolayli, kɵkrikimizgǝ etiⱪad wǝ meⱨir-muⱨǝbbǝtni sawut ⱪilip, beximizƣa nijatⱪa baƣlanƣan ümidni dubulƣa ⱪilip kiyiwalayli» — «Yǝx.» 59:17ni kɵrüng. Grek tilida: «mǝydimizgǝ etiⱪad wǝ muⱨǝbbǝtning sawutini, beximizƣa nijatning ümidini dubulƣisini kiyiwalayli».

■5:8 Yǝx. 59:17; Əf. 6:14.

□5:10 «bizning Uning bilǝn billǝ ⱨayatta boluximiz üqün» — demǝk, Uning dunyaƣa ⱪaytip kelixidǝ tirilip turiximiz üqün.

■5:10 Rim. 14:7; 2Kor. 5:15; Gal. 2:20; 1Pet. 4:2.

■5:12 Rim. 15:27; 1Kor. 9:11; 16:18; Gal. 6:6; Fil. 2:29; 1Tim. 5:17; Ibr. 13:7,17.

□5:13 «... Bu hizmǝtliri üqün ularni qongⱪur ⱨɵrmǝt wǝ meⱨir-muⱨǝbbǝt bilǝn ⱪǝdirlǝnglar. Bir-biringlar bilǝn inaⱪ ɵtünglar» — muxundaⱪ etiⱪadqilar jamaǝttǝ mǝydanƣa kǝlsǝ, keyinqǝ ularni jamaǝttiki «aⱪsaⱪal» yaki «yetǝkqi» dǝp bekitixkǝ toƣra kelidu. Pawlus Tesalonikadiki jamaǝttǝ tehi aⱪsaⱪallarni bekitmigǝnidi.

□5:14 «... ajizlarƣa yar-yɵlǝk bolunglar» — «ajizlar» bǝlkim roⱨiy ⱨǝm jismaniy tǝrǝplǝrdǝ bolƣan ajizlarni kɵrsitidu.

■5:15 Law. 19:18; Pǝnd. 20:22; 24:29; Mat. 5:39; Rim. 12:17; 1Kor. 6:7; 1Pet. 3:9.

■5:16 Mat. 5:12; Luⱪa 10:20; Rim. 12:12; Fil. 4:4.

■5:17 Luⱪa 18:1; Rim. 12:12; Kol. 4:2.

■5:18 Əf. 5:20.

□5:19 «Roⱨning otini ɵqürmǝnglar» — grek tilida «Roⱨni ɵqürmǝnglar». «Roⱨ» Muⱪǝddǝs Roⱨ, ǝlwǝttǝ. «Muⱪǝddǝs Roⱨning oti» ixǝngǝn adǝmning ⱪǝlbidǝ yahxiliⱪ ⱪilixⱪa yaki bolupmu mǝlum bir roⱨiy iltipatni bildürüxkǝ küqlük ilⱨam pǝyda ⱪilƣan bolsa uni «ɵqürüx»kǝ bolmaydu. Muxu sɵzlǝr bǝlkim bexarǝt berix yaki baxⱪa mɵjizilik iltipatlarni kɵzdǝ tutidu; keyinki ayǝt bilǝn munaswiti bar.

■5:19 1Kor. 14:30.

□5:20 «Aranglarda pǝyƣǝmbǝrlǝrqǝ yǝtküzülgǝn bexarǝtlik sɵzlǝrni kǝmsitmǝnglar» — grek tilida «pǝyƣǝmbǝrlik sɵzlǝr». «Roⱨiy iltipatlar» toƣruluⱪ «Korintliⱪlarƣa (1)»diki «ⱪoxumqǝ sɵz»imizni kɵrüng.

■5:21 1Yuⱨa. 4:1.

□5:22 «Yamanliⱪning ⱨǝrⱪandaⱪ xǝklidin ɵzünglarni yiraⱪ tutunglar» — «yamanliⱪning ⱨǝrⱪandaⱪ xǝkli» yamanliⱪning ⱨǝr hilliⱪliⱪini ⱨǝmdǝ yaman ixtǝk kɵrünüp ⱪalidiƣan ɵz iqigǝ alidu. Etiⱪadqilar ⱨǝtta «yaman ixtǝk kɵrünüp ⱪalidiƣan» ixtimu bolmasliⱪⱪa kɵngül bɵlüxigǝ toƣra kelidu.

■5:22 Fil. 4:8.

□5:23 «Hatirjǝmlikning Igisi bolƣan Huda» — grek tilida: «Hatirjǝmlikning Hudasi» — demǝk, hatirjǝmlik bǝrgüqi ⱨǝm Ɵzi ⱨǝrdaim hatirjǝmliktǝ turƣuqi Hudadur.

■5:23 1Kor. 1:8; Fil. 4:9; 1Tes. 3:13.

□5:24 «Silǝrni Qaⱪirƣuqi bolsa sadiⱪ-wapadur, U uni jǝzmǝn ada ⱪilmay ⱪalmaydu» — «silǝrni Qaⱪirƣuqi» — Huda, ǝlwǝttǝ.

■5:24 1Kor. 1:9; 10:13; 2Kor. 1:18; 2Tes. 3:3.

■5:26 Rim. 16:16; 1Kor. 16:20; 2Kor. 13:12; 1Pet. 5:14.