1Aꞌájna joꞌtɨj joꞌcáꞌasej a tɨ huápuɨꞌɨj jaꞌtyácun

aꞌáa nu muéetzij jimi huatyényuusij, Tavástaraꞌ.

2¡Huánamuajriꞌ, Tavástaraꞌ, jeꞌej nyaj aꞌjimi tyiꞌtyényuusij!

¡pajta jáanamuaj jeꞌej nyaj tyiꞌjíihuaj nyáhuoo muéetzij jimi!

3Tavástaraꞌ, Tavástaraꞌ, tɨpuaꞌaj aꞌ peyóomuaꞌreerej tyiꞌtɨ́j maj jɨn quee xáꞌpuɨꞌ huarɨ́j,

¿aꞌtanyíj pu jooréenyijcheꞌen tɨꞌij júurij huatyáꞌɨtzeereꞌen?

4Ajta muéetzij tu jimi jatyoonyij pej pij tyitaatúꞌuunyiꞌ,

tyej tyij muaatyátzaahuatyeꞌen.

5Néijmiꞌi nu ɨ nyajúuricamej aꞌɨ́j jitze tyiꞌijchóꞌveꞌ ɨ Tavástaraꞌ,

nyajta nu ɨ nyúucariaꞌraꞌ jitze tyíꞌcaꞌnyej.

6Nyáaj nu ɨ Tavástaraꞌ jitze tyiꞌijchóꞌveꞌej

mequee aꞌyan aꞌɨ́ɨmaj ɨ maj tyíꞌchaꞌɨj tyeꞌejchóꞌveꞌ tɨ huatapuaꞌrej.

Aꞌyájna matɨꞌɨj ɨ maj tyíꞌchaꞌɨj tyeꞌejchóꞌveꞌ tɨ huatapuaꞌrej,

7Tavástaraꞌ jimi xu tyuꞌchóꞌveꞌen, muaꞌaj mu siaj Israel jitze ajtyámaꞌcan,

jiꞌnye aꞌɨ́j pu jitze séejreꞌ ɨ tɨ jɨn taxɨeꞌveꞌ ajta ɨ tyaj jɨn taxáahuaj séjreꞌej.

8¡Aꞌɨ́ɨ pu huaꞌ japua huatányuusij tyiꞌtɨ́j maj jɨn quee xáꞌpuɨꞌ huarɨ́j ɨ Israel maj jitze ajtyámaꞌcan!