1Muéetzij jimi, Tavástaraꞌ, nyamuaséeraj nu nyámuahuavii,

muéetzij jimi, tajapuá paj tyejéꞌijtaj.

2Tyaꞌraséeraj tu jahuaviij ɨ Tavástaraꞌ taj Dios,

aꞌyájna tɨꞌɨj ɨ tyáatɨꞌ tɨ tyíꞌijtyiꞌreꞌ tyaꞌráasej aꞌɨ́jcɨ ɨ tɨ tyéꞌijtyeꞌ,

aꞌyájna tɨꞌɨj ɨ íitɨꞌ tɨ tyíꞌijtyiꞌreꞌ tyaꞌráasej aꞌɨ́jcɨ ɨ tɨ tyéꞌijtyeꞌ,

aꞌyan tyetyeꞌejchoꞌveꞌej tɨꞌij aꞌɨ́ɨn táꞌancuꞌvaxɨꞌɨn.

3Táꞌancuꞌvaxɨꞌ ityájma, Tavástaraꞌ;

táꞌancuꞌvaxɨꞌ ityájma,

jiꞌnye catu cheꞌ janamuajracuj ɨ maj jeꞌej puaꞌaj tyíꞌtaxaj.

4¡Tuꞌríj jéehua jaapuéjtzitariacaꞌ

aꞌɨ́ɨmaj maj jeꞌej puaꞌaj tyíꞌtaxaj ɨ maj chíjtyaanyiꞌij puéꞌeen

majta mu aꞌɨ́ɨmaj taxanaꞌveꞌ ɨ maj jéehua óotzaahuatyeꞌ!