1Mic letsan c wut chaꞌan mij qꞌuel wits. ¿Baqui tyʌlem j cotyʌntyel?

2Yaꞌ tyʌlem j cotyʌntyel ti lac Yum

Tsaꞌ bʌ i mele panchan yicꞌot mulawil.

3Mi quej i wen cʌñʌtyañonla ame tyʌjtsꞌic la coc.

Mach yujil wʌyel jini muꞌ bʌ i cʌñʌtyañonla.

4Awilan, machꞌan miꞌ poj chaꞌlen wʌyel jini muꞌ bʌ i cʌñʌtyan Israel. Mach yujil wʌyel.

5Lac Yum jiñʌch ajcʌñʌtya a chaꞌan.

Lac Yum cheꞌ bajcheꞌ axñal chaꞌan miꞌ moset.

6Jini qꞌuin maꞌan mi quej i pulet ti qꞌuinil,

Mi añic chʌ bʌ mi tyumbiñet uw ti acꞌbʌlel.

7Lac Yum mi quej i cʌñʌtyañet ti pejtyelel a wocol chaꞌan maꞌ loqꞌuel ti wen.

Mi quej i cʌñʌtyan a cuxtyʌlel.

8Lac Yum mi quej i cʌñʌtyañet cheꞌ maꞌ loqꞌuel majlel, cheꞌ maꞌ sujtyel tyʌlel.

Mi quej i cʌñʌtyañet wale yicꞌot ti pejtyelel ora.