N xa Alatala tantun n niin birin na!

N xa a xili sariɲanxin tantun n bɔɲɛn ma feu!

2N xa Alatala tantun n niin birin na!

N nama ɲinan a wali faɲi yo xɔn.

3A tan nan n mafeluma n hakɛn birin na.

A tan nan n nakɛndɛyama furen birin ma.

4A tan nan n natangama sayaan ma,

a yi n nakamali hinanna nun kininkininni.

5A tan nan siimaya faɲin fima n ma,

alogo n mɔn xa fangan sɔtɔ

alo singbinna.

6Alatala tinxin,

a tan nan kiti kɛndɛn sama muxu ɲaxankataxine xa.

7A bata a feene yita Nabi Musa ra,

a yi a kɛwanle yita Isirayila yamaan na.

8Alatala kininkinin, a diɲa.

A mi xɔlɔn xulɛn. A hinanna gbo.

9A xɔlɔxin mi en mafalɛ yɛyɛ!

A mi luyɛ xɔlɔxi han habadan!

10A mi en suxuma en yulubine ra.

A mi en saranma en hakɛne ra.

11A hinanna gbo a yɛɛragaxu muxune yɛɛ ra yi,

alo kore xɔnna makuya bɔxɔ xɔnna ra kii naxan yi.

12A bata en yulubine ba en ma,

a yi e makuya en na

alo sogeteden nun sogegododen tagi kuya kii naxan yi.

13Alatala kininkininma a yɛɛragaxu muxune ma nɛn

alo fafan kininkininma a diine ma kii naxan yi.

14A en da kiin kolon,

a kolon fa fala en kelixi bɛndɛn nin.

15Muxuna siimayaan luxi nɛn alo sɛxɛna,

a sabatima nɛn alo sɛxɛ fugena,

16koni foye wolonna na sa a ma a xara ayi,

a yi ɲan hali a funfuna,

a mi luma na.

17Koni Alatalaa hinanna luma nɛn

a yɛɛragaxu muxune xa habadan han habadan.

A tinxinna yi lu e diine diine xa,

18xa e a layirin suxu,

e yi e miri a fe ragidixine ma

alogo e xa e rakamali.

19Alatala bata a mangaya gbɛdɛn nafala kore xɔnna ma.

A tan nan mangayani seene birin xunna.

20Ɛ Alatala tantun, ɛ tan malekane.

Ɛ tan naxanye sɛnbɛ kanne ra,

naxanye a falane ligama,

naxanye a fala xuine suxuma.

21Ɛ Alatala tantun,

ɛ tan a ganle kore xɔnna ma,

ɛ tan, a walikɛɛn naxanye a sagoon ligama.

22Ɛ Alatala tantun,

ɛ tan a dali seene birin,

ɛ na lu dɛdɛ a mangayaan bun.

N xa Alatala tantun n niin birin na!