1กวน รเมะ อิตซาคา ไก ปาวน ปุย. มอยฮ อื มัฮ โทลา, ปูอา, ยาชุป, ไม่ ชิมโรน. 2กวน รเมะ โทลา เซ มัฮ อุตซี, เรไฟยา, เยรีเอน, ยาไม, ยิปซัม, ไม่ เชมูเอน. โม เซ มัฮ ตื ฮัวนา ซฆลาวม นึง โม โทลา เตือง ไพ เตือง มัน. แปน ตฮัน เกง เลือ โครยญ โฆะ แตะ. เจน กซัต ด่าวิต เตอ จัตเจือ ปุย โม เซ ไก 22,600 ปุย. 3กวน รเมะ อุตซี เซ มัฮ อิซราฮิยา. อิซราฮิยา เซ ไม่ กวน รเมะ อื เตือง ปาวน อื เซ มัฮ ตื ฮัวนา ซฆลาวม นึง เจอ อิตซาคา. มอยฮ กวน อื เตือง ปาวน อื เซ มัฮ มีคาเอน, โอบ่าดี่, โยเอน ไม่ อิตชีอา. 4ปุย โม เซ โฮวน กวน เฌือต กวนโซะ ลุกลัน นึง โฮวน มะ อื. จัตเจือ อื ป เกียฮ แปน ตฮัน นึง อื ไก 36,000 ปุย. 5จัตเจือ โม อิตซาคา ป เกียฮ แปน ตฮัน นึง อื เตือง โอยจ อื ไก 87,000 ปุย, ตัม ป เอีจ โจต ปุย เซน อื.

6กวน รเมะ เบ่นยามิน ไก ลอวย ปุย. มอยฮ อื มัฮ เบ่ลา, เบ่เคอ, ไม่ เยดี่ยาเอน. 7กวน รเมะ เบ่ลา ไก พอน ปุย. มัฮ เอตโบ่น, อุตซี, อุตซีเอน, เยรีโมต, ไม่ อิรี. โม เซ มัฮ ตื ฮัวนา ซฆลาวม นึง เจอ ยุฮ แตะ. มัฮ ตฮัน เกง เลือ ไม่ อื. จัตเจือ โม เซ ป เอีจ เกียฮ แปน ตฮัน นึง อื ไก 22,034 ปุย ตัม ป เอีจ โจต ปุย เซน อื. 8กวน เบ่เคอ เซ มัฮ เซมิรา, โยอัต, เอลีเยเซอ, เอลีโอไน, โอมรี, เยเรโมต, อาบี่ยา, อานาโทต, ไม่ อาเลเมต. 9จัตเจือ โม เบ่เคอ เซ ป เกียฮ แปน ตฮัน นึง อื ไก 20,200 ปุย ตัม ป เอีจ โจต ปุย เซน อื.

10กวน รเมะ เยดี่ยาเอน มัฮ บิ่นฮัน. กวน รเมะ บิ่นฮัน เซ มัฮ เยอุต, เบ่นยามิน, เอฮุต, เคนาอะนา, เซทัน, ทาระชิต, ไม่ อาฮิชาฮา. 11ปุย โม เซ มัฮ ตื จัตเจือ เยดี่ยาเอน, มัฮ ฮัวนา ซฆลาวม นึง เจอ อาวต แตะ ไม่ แปน อื ตฮัน เกง เลือ โครยญ โฆะ แตะ. จัตเจือ อื ป เอีจ เกียฮ แปน ตฮัน นึง อื ไก 17,200 ปุย. 12ชุปปิม ไม่ ฮุปปิม มัฮ กวน อิระ. (มัฮ โรฮ เจอ เบ่นยามิน.)

ฮุชิม มัฮ กวน อาเฮอ. (มัฮ เจอ ด่าน นึง อื.)

13กวน รเมะ นัปทาลี มัฮ ยาซีเอน, กุนี, เยเซอ, ไม่ ชันลุม. มัฮ จัตเจือ บิ่นฮา.

14มะนาเซ ไก กวน รเมะ ลอา, มัฮ กวน อื ไม่ ปรโปวน แตวะ เญือะ อื ป มัฮ โม อารัม เซ. กวน อื เซ มัฮ อัตรีเอน ไม่ มาคี. ฟวยจ เซ มาคี ไก โรฮ กวน รเมะ ติ. มอยฮ อื มัฮ กิเลอัต. 15มาคี ซาวป ปรโปวน ละ ซ เกือฮ อื แปน ปุย เญือะ ฮุปปิม ไม่ ชุปปิม เซ. รนัน มาคี มัฮ มาอาคา. กวน รเมะ รเคะ มาคี เซ มัฮ เซโลเฟฮัต. ปุย เซ ไก โตว กวน รเมะ, ไก กวน รโปวน โน่ง.

16มาอาคา ป มัฮ ปรโปวน เญือะ มาคี ไก โรฮ กวน รเมะ ลอา ปุย. ปุย โรง นึง อื มะ อื ปุก มอยฮ อื. อัฮ เปเรต ละ อื. ปุ อื อัฮ เชเรต ละ อื. เปเรต ไก กวน รเมะ ลอา. มัฮ อุลัม ไม่ ราเคม. 17กวน อุลัม มัฮ เบ่ดั่น. โม เซ มัฮ ตื จัตเจือ กิเลอัต ป มัฮ กวน มาคี. มัฮ กวนโซะ มะนาเซ. 18ฮัมโมเลเคต ป มัฮ รนัน กิเลอัต เซ ไก กวน รเมะ ลอวย. มัฮ อิตโฮต, อาบี่เยเซอ, ไม่ มาลา. 19เชมิด่า ไก กวน รเมะ ปาวน. มัฮ อาฮิยัน, เชเคม, ลิกฮี, ไม่ อานียัม.

20จัตเจือ เอฟราอิม ซึป ปุ แตะ เน่อึม นึง เปือะ ฮอยจ ละ กวน อื ตอก เฮี โครยญ เจน ปุย. มัฮ เอฟราอิม, ชูเทลา, เบ่เรต, ทาฮัต, เอเลอาด่า, ทาฮัต, 21ซาบั่ต, ชูเทลา. เอฟราอิม ไก โรฮ กวน รเมะ ลอา ปุย โนก ฮา ชูเทลา เซ. มัฮ เอเซอ ไม่ เอเลอัต. ปุย ลอา เซ ริ ตุย โมวก ยุฮ โม กัต ป อาวต ไพรม นึง เมือง เซ. ปุย เมือง กัต เซ ปังเมอ ยุฮ ยุม ไม่ อื ฆาื อื. 22เอฟราอิม ป มัฮ เปือะ อื เยือม กวน ลอา แตะ เซ โฮวน ซเงะ. เอียกปุ อื ฮอยจ ดุป ไง่ ไป พาวม อื โฮวน ปุย โรฮ. 23ฟวยจ เซ เอฟราอิม ไม่ ปุย เญือะ อื ยุ แม ปุ แตะ. ไก แม กวน รเมะ ติ. เปือะ อื อัฮ เบ่รียา ละ กวน เซ แตะ นึง ฮอยจ ป โตะ ป ตอง ละ เญือะ อื เซ.

24เอฟราอิม ไก โรฮ กวน รโปวน ติ. มอยฮ อื มัฮ เชเอรา. ปุย เซ ตัง ย่วง เบ่ตโฮโรน เตือง ย่วง ก ล่าวง ไม่ ก เซฮ นึง อื, ไม่ ย่วง อุตเซนเชเอรา. 25เอฟราอิม ไก แม โรฮ กวน รเมะ ติ ปุย. มัฮ เรฟา. จัตเจือ เรฟา ซึป ปุ แตะ เน่อึม นึง เปือะ ฮอยจ ละ กวน อื ตอก เฮี โครยญ เจน ปุย. มัฮ เรฟา, เรเชป, เทลา, ทาฮัน, 26ลาดั่น, อัมมีฮุต, เอลีชามา, 27นูน, มัฮ แม โยชูวา.

28นาตี อาวต โม เซ ปุก นาตี เมือง เบ่ตเอน ไม่ ย่วง แตวะๆ รวิต รเวียง อื, ฮอยจ ละ ย่วง นาอารัน ลวง ลั่ก โอก ซเงะ, ฮอยจ โรฮ ละ เมือง เกเซอ ไม่ ย่วง แตวะๆ รวิต รเวียง อื ลวง ลั่ก เลียก ซเงะ. มัฮ โรฮ นาตี เมือง เชเคม ไม่ เมือง ไอยา ไม่ ย่วง แตวะๆ รวิต รเวียง อื. 29จัตเจือ มะนาเซ โฮลฮ นาตี ย่วง เบ่ตชัน, ย่วง ทาอานัก, ย่วง เมกิโด่, ไม่ ย่วง โด่ เตือง ย่วง แตวะๆ รวิต รเวียง อื. มัฮ นาตี ย่วง โม เซ ก โฮลฮ จัตเจือ โยเซป กวน อิซราเอน อาวต นึง เงอ.

30โม เฮี มัฮ กวน อาเชอ. มัฮ อิมนา, อิชวา, อิชวี, เบ่รียา, ไม่ รนัน อื ติ ปุย. มอยฮ อื มัฮ เซรา. 31กวน รเมะ เบ่รียา มัฮ เฮเบ่อ ไม่ มันคีเอน. มันคีเอน เซ มัฮ เปือะ บิ่ระซาวิต. 32กวน รเมะ เฮเบ่อ มัฮ ยาเฟเลต, โชเมอ, ไม่ โฮทัม. กวน รโปวน อื มัฮ ชูอา.

33กวน รเมะ ยาเฟเลต เซ มัฮ ปาซัก, บิ่มฮัน, ไม่ อัตชวัต. 34กวน รเมะ โชเมอ ป มัฮ ปุ อื เซ มัฮ โรกา, เยฮุปบ่า, ไม่ อารัม. 35กวน รเมะ เฮเลม ป มัฮ ปุ โชเมอ เซ มัฮ โซฟา, อิมนา, เชเลต, ไม่ อามัน. 36กวน รเมะ โซฟา มัฮ ซุอา, ฮารเนเฟอ, ชูอัน, เบ่รี, อิมรา, 37เบ่เซอ, โฮต, ชัมมา, ชิมชา, อิตทัน, ไม่ เบ่เอรา.

38กวน รเมะ เยเทอ มัฮ เยฟุนเน, ปิซปา, ไม่ อารา. 39กวน รเมะ อุนลา มัฮ อารา, ฮันนีเอน, ไม่ รีเซีย.

40ปุย โม เซ มัฮ ตื จัตเจือ อาเชอ. มัฮ ฮัวนา นึง ซฆลาวม อาวต แตะ, แปน โรฮ ตฮัน เกง เลือ ไม่ อื. ไน โม จัตเจือ อื ป เอีจ เกียฮ แปน ตฮัน นึง อื ไก 26,000 ปุย ตัม ป เอีจ โจต ปุย เซน อื.