1Yali miyaka ja kumi na jihano ja undewa wa Kaisali Tibeliyo na Pontio Pilato yali yolongoza honhu ha Yudeya na Helodi yali yolongoza honhu ha Galilaya na mng'holoze Filipo yali yolongoza honhu ha Itulea hamwe na honhu ha Tlakoniti, hamba Lusania yali yolongoza honhu ha Abilene kahi. 2Anasi na Kayafa wali watambika wakulu. Mihela ajo luzi lwa Nguluwi nalumuyila Yohani mwanage Zakalia kuli honhu hagunuche. 3Yohani nakaluta mweng'ha mla mbakane na lwanda lwa Yolodani. Kazangulangusa wanhu, mumgalamchile Nguluwi na kubatizigwa leka Nguluwi yawosele gehile.

7Wanhu wenji wali wokuya hala kubatizwa na Yohani na heye kazanguwalonjela, “Hemwe lulelo lwa izoka, yalikohi yowadeteleza kota moibilima ng'halazi ya Nguluwi ilihabehi kuya? 8Mlajile kwa madito kota mumgalamchila Nguluwi. Mleche kwaluka sambi kota moibilima ng'halazi ya Nguluwi kwa kulonga, mhaza wa hetwe Ibulahimu. Ndanguwalonjelani ng'hatu, Nguluwi kana ludali lwa kugagalula aga maganga gawe wana wa Ibulahimu. 9Iwago liwichigwa goya kuli mizabi ja igodi. Chila mgodi wohambe ulele mafuza ganojile, wotemangwa na kutajigwa mchiluli.”

10Wala wanhu wamemile wamuuza, lelo tudite choni? 11Nakawedichila, “Yawele na migwanda mili yamgawile yali hela, hihyo yali na ndiya yadite hiho.” 12Wakongoza sendi nawo woya kubatizigwa, wamuuza, “Mlangusa tudite ndaze?” 13Heye nakawalonjela, “Mleche konjeza kuhola chila chima chiwichigwe.” 14Wamizi nawo wamuuza, “Hetwe natwe tudite choni? Kawedichila, mleche kuhola chinhu cha munhu kwa ludali kahi ne kumtagusa munhu kwa udesi, chikukwileni chila cho mpegwa.”

15Weng'ha wali wobeteza chinhu chimwenga, waluka kiuza mnhumbula za hewo zilingumlapa Yohani. Wazanguvizela heye ndo Kilistu Mlohozi yahaguligwe na Nguluwi. 16Baho Yohani kawalonjela weng'ha, “Heni ndanguwabatiza kwa mazi, ila kanguya myangu yali na ludali kusinda heni. Sijeza kudohola ng'hweso za makwamba ga heye. Heye kowa yobatiza kwa Muhe Yelile na kwa chiluli. 17Heye kana luhelo lwa kuyugulila nyhadikwa, yalunde uhemba kuli ng'hano, na mibadu kojisoma kwa chiluli hambe chizime.”

18Hamwe na luzi lwinji, Yohani nakawahimiliza wanhu yowadamlila Mbuli Inojile. 19Ila Yohani nakamdeuza mndewa Helodi, kamuwala, nakamhola Helodiya mdala wa mng'holoze na kumdita mdala wa heye, hamba nakadita ganji menji gehile. 20Kahi Helodi nakadita chinhu chinji chihile kwa kumuhindila Yohani mchinweng'ho.

21Wanhu weng'ha lowabatizigwe, Yesu naye nakabatizigwa. Hoyali yomlanda Nguluwi, ulanga naugubuligwa, 22Muhe Yelile imlagalila kota ng'hunda na lihulikwa lizi kulawa kilanga ilonga, “Hegwe ndo mwanangu ndikuganile, nojezwa na hegwe.”

23Yesu loyaluche kukola mijito, yali na miyaka makumi madatu, wanhu wali wochijesa heye mwana wa Yusufu mwanage Heli. 24Heli yali mwanage Matati na Matati nayali mwanage Lawi na Lawi yali mwanage Meleki na Meleki yali mwanage Yanai na Yanai yali mwanage Yusufu, 25Yusufu yali mwanage Matasia na Matasia yali mwanage Amosi na Amosi yali mwanage Nahumu na Nahumu yali mwanage Hesili na Hesili yali mwanage Nagai, 26Nagai yali mwanage Maati na Maati yali mwanage Matasia na Matasia yali mwanage Shemeni na Shemeni yali mwanage Yoseki na Yoseki yali mwanage Yuda, 27Yuda yali mwanage Yoanani na Yohanini yali mwanage Lisa na Lisa yali mwanage Zolobabeli yali mwanage Shatieli na Sheatieli yali mwanage Neli, 28Neli yali mwanage Meliki na Meliki yali mwanage Adi yali mwanage Kosamu na Kosamu yali mwanage Elimadamu na Elimadamu yali mwange Eli, 29Eli yula yali mwanage Yoshuwa na Yoshuwa yali mwanage Elieza na Elieza yali mwanage Yolimu na Yolimuyali mwanage Matati na Matati yali mwanage Lawi, 30na Lawi yali mwanage Simeoni na Simeoni yali mwanage Yudasi na Yudasi yali mwanage Yusufu na Yusufu yali mwanage Yonamu na Yonamu yali mwanage Eliakimu, 31na Eliakimu yali mwanage Melea na Melea yali mwanage Mena, na Mena yali mwanage matata na Matata yali mwanage Natani na Natani yali mwanage Daudi, 32na Daudi yali mwanage Jese na Jese yali mwanage Obedi na Obedi yali mwanage Boazi na Boazi yali mwanage Salimoni na Salimoni yali mwanage Nashoni, 33na Nashoni yali mwanage Aminadabu, na Aminadabu yali mwanage Alini na Alini yali mwanage Heziloni na Heziloni yali mwanage Pelezi na Pelezi yali mwanage Yudasi, 34Na Yudasi yali mwanage Yakubu na Yakubu yali mwanage Isaka na Isaka yali mwanage Ibulahimu, na Ibulahimu yali mwanage Tela na Tela yali mwanage Naholi, 35Na Naholi yali mwanage Selugi, na Selugi yali mwanage Leu na Leu yali mwanage Pelagi na Pelegi yali mwanage Ebeli na Ebeli yali mwanage Sala, 36na Sala yali mwanage Kainamu, na Kainamu yali mwanage Afakisadi na Afakisadi yali mwanage Shemu na Shemu yali mwanage Nuhu na Noa yali mwanage Lameki, 37Na Lameki yali mwanage Metusela na Metusela yali mwanage Henoki na Henoki yali mwanage Yaledi na Yaledi yali mwanage Mahalaleli na Mahalaleli yali mwanage Kainamu. 38Na Kainamu yali mwanage Enoshi na Enoshi yali mwanage Seti na Seti yali mwanage Adamu na Adamu yali mwana wa Nguluwi.