1Hi Benjamin ya limay linalakin imbabalena: hi Bela ot hi Asbel, hi Aharah, 2hi Nohah ya hi Rapha. 3Hanadan imbabalen Bela ya hi Addar, hi Gera, hi Abihud, 4hi Abishua, hi Naaman, hi Ahoah, 5hi Gera, hi Sephuphan ya hi Huram. 6-7Hanadan imbabalen Ehud an puun nadan numbobled Geba ya hi Naaman, hi Ahijah ya hi Gera. Mu naapput dah gubat ot pakaanon da didah di ot eda mumbobled Manahat. Gera an aman da Ussa ke Ahihud di nangipanguluh nangayan dah di. 8-9Hi Saharaim ya imbolhena nadan duwan inayanan da Hushim ke Baara. Indani ot e mumbobled Moab ot iinenah Hodes ot mawaday pitun linalakin imbabaleda an hi Jobab, hi Sibia, hi Mesha, hi Malkam, 10hi Jeus, hi Sakia ya hi Mirmah. Am-in datuwen imbabalena ya diday numbalin an puun di holag da. 11Wada boy duwan linalakin imbabalena nah inayanan hi Hushim an hi Abitub ya hi Elpaal. 12Hi Elpaal ya tuluy linalakin imbabalena: hi Eber, hi Misham ya hi Semed. Hi Semed di nangapya nadah ongal an boble an Ono ya Lod ya nadan nunlinikkod an bobleh di.

13Da Beriah ke Sema ya diday puun nadan holag Benjamin an numbobled Aijalon ya dida boy nanog-al nadah numbobled Gat. 14Hanadan linalakin imbabalen Beriah: hi Ahio, hi Sasak, hi Jeremot, 15hi Sebadiah, hi Arad, hi Eder, 16hi Michael, hi Ispah ya hi Joha.

17Hanadan holag Elpaal ya hi Sebadiah, hi Meshullam, hi Hiski, hi Heber, 18hi Ismerai, hi Isliah ya hi Jobab. 19Hanadan holag Simei ya hi Jakim, hi Sikri, hi Sabdi, 20hi Elienai, hi Sillethai, hi Eliel, 21hi Adaiah, hi Beraiah ya hi Simrat. 22Hanadan holag Sasak ya hi Ispan, hi Eber, hi Eliel, 23hi Abdon, hi Sikri, hi Hanan, 24hi Hananiah, hi Elam, hi Antotijah, 25hi Ipdeiah ya hi Penuel. 26Hanadan holag Jeroham ya hi Samserai, hi Sehariah, hi Athaliah, 27hi Jaareshiah, hi Elijah ya hi Sikri. 28Datuwey puun nadan holag Benjamin an numbobled Jerusalem.

29Hi Jeiel ya numbobled Gibeon. In-ine nah Maakah. 30Datuwey linalakin imbabalena: hi Abdon ot hi Sur, hi Kish, hi Baal, hi Ner, hi Nadab, 31hi Gedor, hi Ahio, hi Seker, 32ya hi Miklot an aman Simeah. Hanadan holag da ya numboble dad Jerusalem an nih-up da nadah udum an iiba da.

33Hi Ner di aman Kish an aman Saul an patul. Hi Saul ya opat di linalakin imbabalena: hi Jonathan, hi Malkishua, hi Abinadab ya hi Esbaal. 34Hi Jonathan di aman Meribaal an aman Mikah. 35Hi Mikah ya opat di linalakin imbabalena: hi Pithon, hi Melek, hi Tarea ya hi Ahas. 36Hi Ahas di aman Jehoaddah an tuluy linalakin imbabalena: hi Alemet, hi Asmabet ya hi Simri. Hi Simri di aman Mosa 37an aman Binea an aman Raphah an aman Eleasah an aman Asel. 38Hi Asel ya onom di imbabalenan linalaki: hi Asrikam, hi Bokeru, hi Ismael, hi Seariah, hi Obadiah ya hi Hanan. 39Hi Eshek an tulang Asel ya tuluy linalakin imbabalena: hi Ulam, hi Jeus ya hi Eliphelet. 40Datuwen imbabalen Ulam ya natulid dan tindalu ya nalaing dan pumana. Hinggatut ta nalimay linalakin imbabalena ya inap-apuna. Datuwen am-in ya holag Benjamin.