1M ye m saꞌali ya ti Zugsob Yesu Kiristo la na ti kena la, ne tiname na ti laꞌas taaba n tuꞌos o la yela. Ti baꞌabiise, ti belimi ya 2ye ya yaꞌa wum labaar line yel ye Zugsob la dabisir pun kena, ya da ke ka daamug ne kikirug kpelim kpenꞌ ya potenꞌerine. Li yaꞌa ane ye soꞌ yel ala ka ba tenꞌes ye li yi ne Winaꞌam Siig Suŋ la ni, bee soꞌ paꞌal ala, be soꞌ karem gbauŋ ka tenꞌes ye li yi ne ti saꞌan, 3yanam da ke ka ba soꞌ maꞌa ya lina wusa nii. Daar kan la ku kenaa, asee ka saŋkan ka nidib bedego laꞌase zanꞌas Winaꞌam la kena, ka soꞌ nie ya soogin ka a tuumbeꞌed daan, on sid na keŋ bugum teŋin. 4O na kisig dine wusa ka ba buon ye Winaꞌam la, laꞌam ne siꞌelnam wusa dine ka nidib zunꞌodi li la, ka duꞌos o meŋ n gaadi ba wusa. Hale ka o na kpenꞌ Winaꞌam puꞌusum yin n zinꞌi ka na yel ye o ane Winaꞌam.

5Man daa nan be ya saꞌan la, m daa yeli ya lin wusa. Ya pu tenra? 6Ka siꞌel be, ka ya miꞌ li, ka li nam viꞌi tuumbeꞌed daan la, ka li saŋa yaꞌa ti paa na, tuumbeꞌed daan la na nie na. 7Tuumbeꞌed suaꞌada pun tum sa. Ka one nam viꞌi tuumbeꞌed daan la, na kpelim niŋ ala, n ti paae saŋkan ka o keŋ ka bas paalo. 8Ka tuumbeꞌed daan la yuꞌun na nie na. Ka Zugsob Yesu noor pebisim na ku o. Ka o ken la neesim na saꞌam o. 9Sutaana na ke ka tuumbeꞌed daan la kena. Ka o na mor paŋtitaꞌar, ka maan ziri bunnyalima, 10ka maꞌ damaꞌam buudi wusa n maꞌ nidib bane na nye saꞌuŋ, ban pu diꞌe sida ka pu noŋi li n nye faangir la zug. 11Linzug ka Winaꞌam na tisi ba ziri potenꞌer, ka ba siak ziri, 12ye nidib bane wusa pu siak sidaa, ka bood tuumbeꞌed la, na nye saria kadib line a saꞌuŋ.

13Ti baꞌabiise, bane ka Zugsob noŋ la, li nar ka ti puꞌus Winaꞌam bareka saŋa wusa ya zug, on daa gaŋi ya pinꞌilugin ka o Siig Suŋ one ke ka ya aa o nidib bane a suꞌum nyain la ne ya sida siakir la ke ka ya nye faangir la zug. 14Winaꞌam daa buoli ya ye ya nye faangir, ne labasuŋ kane ka ti daa mooli ya saꞌan la poogin, ye ya nye ti Zugsob Yesu Kiristo naꞌasi laꞌam ne o. 15Dinzugo ti baꞌabiise, ziꞌenimi kiŋ kiŋ, ka doli yelsida line ka ti pianꞌad ti gbauŋ ban ka ti sob la ni.

16Ti puꞌusid ti Zugsob Yesu Kiristo o meŋ ne ti Baꞌ Winaꞌam on noŋi ti, ka tisi ti sukpiꞌem kane kaꞌ naare ne tiꞌir suŋ o popielim zug la, 17ka sos o ye o na kpeꞌeŋi ya sunya, ka tisi ya paŋ ye ya niŋ siꞌel wusa line a suꞌum ka me yel line a suꞌum.