1Bade Zeruzalem taki ḳoezon moulana ar Forishi mozobor kisu manush Hozrot Isar gese aila. 2Aia deḳla, Isar ḳoezon ummote at na doia emneu ḳanit boigesoin. 3Ashole agor zomanar moulana oḳolor batail rosumot mafik, hokkol Ihudi ar Forishi oḳoleo uzu na ḳoria kunu ḳani ḳain na. 4Bazar-aṭ taki kunu zinish anle pak-saf na ḳoria muko dein na, tal-bashon doia saf-sutra ḳora, ou laḳan bout riti-reoaz tara mane. 5Erdae ou moulana ar Forishi oḳole Isare zikaila, “Afnar ummot oḳole agor zomanar moulana oḳolor batail rosumot ḳene manoin na? Tara to nafaḳ ate ḳani ḳain.”

6Tain zuaf dila, “Afnara to bonḍo! Hozrot Ishaea nobie afnaintor befare ṭiku ḳoisoin,

9Isae tarare aro ḳoila, “Allar deoa hukum bad dia, nizor mongoṛa rosumot ḳaim ḳorar danda to afnara kub bala ḳoriu zanoin. 10Zela Hozrot Musae ḳoisoin, ma-babare ijjot ḳorio, ze manshe afon ma-bafor bodnam gae, tare ḳatol ḳora oibo. 11Oile afnara manshore talim dira, kunu manshe zudi tar ma-bafore ḳoilae, amar zeta samana dia afnaintor ḳezmot ḳortam asil, ita Allar name lilla dilaisi, 12te tar ma-bafor lagi ar kuntau ḳora lage na. 13Ou laḳan afnarar baf-dadar mongoṛa niom dia Allar kalam batil ḳorilisoin. Ikan badeo afnara oula aro bout ḳam ḳorra.”

14Bade Isae manshore tan ḳandat nia ḳoila, “Afnara hoḳole amar ḳota kial ḳori hunoukka ar buzoukka. 15-16Baire taki zeta zinish manshor bitre hamae, itae to tare nafaḳ banae na. Borong manshor bitre taki zeta baroe, otaeu tare nafaḳ banae.”

17Boean bade tain manshor ges taki horia gia goro hamaila, teu sahabi oḳole tanre er mani zikaila. 18Isae ḳoila, “Tumra kita oulau be-akkol ni? Tumra buzo na ni, bare taki zeta zinish manshor bitre hamae, itae manshore nafak korto fare na. 19Ita to tar dilor bitre hamae na, ḳali feṭor maze hamae, ar feṭ taki hirbar baroi zae.” Isae ou talim dia buzaila, kunuzat ḳaniu nafaḳ nae. 20Tain ḳoila, “Manshor bitre taki zeta baroe, otaeu manshore nafak kore. 21Manshor dil takiu to hoḳol nomunar ku-sinta ae; zina, suri, kun, 22lub-lalos, foror ḳeti ḳorar danda, sol-soturi, bodmaishi, bod-nozor, ingsha-ninda, boṛai-beṭagiri ar shoetani baroe. 23Ou tamam naformani manshor dil taki baroia tarare nafaḳ banae.”

24Bade Isa ou elaḳa tone Shiria deshor Shur ṭaunor ḳandat toshrif nilagi. Ono aia tain eḳ goror bitre lukai roila, saila manshe zanu na zanoin tain aisoin ḳori. Oile tan ḳobor roṭi gelo. 25Hono eḳ beṭi manshor fuṛire bute dorae, Isae toshrif anchoin hunia ou beṭie, zoldi ḳori aia tan faot foṛlo. 26I beṭir baṛi Shiria deshor Foinikia elaḳat, oile matito Iunani bashae. Tai Isar gese minot-ḳajji ḳoria ḳoilo, “Huzur, butor ḳobza taki amar fuṛigure basaukka.” 27Isae ḳoila, “Age nizor huruttainte feṭ bori ḳaukka, nizor sabalor ḳani kukror samne falani ṭik nae.” 28Beṭie ḳoilo, “Ji-oe huzur, afnar ḳotau ṭik, oile nizor sabalor ḳanir zeta guṛa-gaṛa galabae foṛe, ita to kukre ḳae.” 29Tain ḳoila, “Tumi to ḳaṭi matu matso. Te zao, gia deḳo, bute tumar fuṛire saṛia gesegi.” 30Hasau beṭie baṛit gia deḳlo, tair fuṛi bala oia bisnat hutiroise.

31Bade Isae Shur elaḳa tone Sidon ṭaun oia, Galil aoror hofaro Dikafoli elaḳat aila. 32Ono aia harle manshe ek kalua tutla beṭare tan gese ania minot lagaila, tare atai dibar lagi. 33Tain ere manshor biṛ tone bare nirai zagat nia, tar duio ḳano tan ator anguil haraila, tan mukor sef lagaia tar zifra atai dila. 34Ar ufre asmanedi saia lamba ḳori shash falaia ḳoila, “Iffata,” mani, “Kulizauk.” 35Loge logeu beṭar ḳan kuligelo. Tutlami saṛi gelo, he forishkar mata dorlo. 36Heshe tain erare hukum dila, “Ḳobordar, tumra ita ḳeurore hunaio na.” Oile tain zoto beshi na ḳorla, tara oto besh ḳori ita roṭailo. 37Tara asanok taijjub oia ḳoila, “Ein to hoḳol ḳamu kub nikut ḳori ḳoroin. Deḳrae ni, tain ḳaluare hunar shokti, ar bubare matibar takkot disoin.”