1Bùa Đawit wa 'bài cwan ma wèq lình, hadai lah crài mòiq 'nah con calô da Asap, Hêman wa Jê-đu-thun đòiq anoi hlài bàu Boc Plình, rai rawêh broc, cràu wa tep raxap. Cô hiniq wì mangai ma patìh aih:

Xacu, Jôsep, Nê-tha-nia wa A-sa-rê-la. 'Bài con calô da Asap cla Asap wèq; haq toq anoi 'noh bàu Chuaq jò leq bùa thê.

Gê-đa-lia, Xêri, Jê-sai-ah, Ha-sa-bia, Ma-ti-thia, wa Si-mê-i; tadràu ngai cô dìq patìh bìac enh 'neq dèh ca baq. Jê-đu-thun anoi 'noh bàu Chuaq xam bàu manè wa padèch hiniq Chuaq.

Buc-ki-ja, Ma-ta-nia, U-xi-ên, Sê-bu-ên, Jê-ri-môt, Ha-na-nia, Ha-na-ni, Ê-li-a-tha, Ghi-đan-ti, Rô-mam-ti-ê-xe, Jôt-bê-ca-sa, Ma-lô-thi, Hôthia, wa Ma-ha-xi-ôt. 5Wì cô dìq con calô da Hêman, mangai capoch thai Boc Plình da bùa, tiaq bàu Boc Plình đòiq calêu padèch cwìang itai da haq, ma jah 'màng aih Boc Plình am ca Hêman 14 ngai con calô wa 3 ngai con cadrì.

6Wì cô dìq patìh bìac tiaq cwìang enh 'neq dèh ca baq; bìac broq da wì haq aih calêu padèch hiniq Chuaq ta Hnem Cùh Waiq da Boc Plình. Wì haq rawêh broc, cràu wa tep raxap. Asap, Jê-đu-thun wa Hêman tiaq bàu thê da bùa đòiq patìh bìac Chuaq ta hnem cùh waiq da Boc Plình. 7Xam dìq ca cadraq da wì haq, wì haq khoi jah hnài calêu am ca Chuaq. Dìq ca wì haq jah 288 ngai. 8Wì pàih panàih đòiq nhàn bìac broq, càn wa 'yoh, mangai hnài hadai mangai ma hŏc.