2E, Yɛnŋɛlɛ, mboro ma yɛn na Yɛnŋɛlɛ le,

mi yɛn nɔɔ lagajaa, ma la ki yɛn na na paa tɔnmɔ wɔgɔ yɛn;

na wire ti lombondo ti yɛn na tile nɔɔ lagajaa

paa yɛgɛ ŋga na tara nda tì waga ma jɛɛnri, ma pye tɔnmɔ woro ti ni, tɔnmɔ kala li ma pye ti na we.

3Ki kala na, mbanla ta wa ma laga kpoyi ki ni, mi yɛn nɔɔ wele jɛŋgɛ,

mbe ta mbɔɔn yawa po naa ma gbɔgɔwɔ pi yan.

4Katugu ma kagbaraga ki tawa pì mbɔnrɔ yinwege ki na,

ki kala na, mi yaa la yuuro koo mbaa ma sɔnni.

5Kì pye ma, mi yaa lɔɔn shari na yinwege piliye yi ni fuun ni,

mi yaa lanla kɛyɛn yi yinrigi wa naayeri ma mɛgɛ ni mbaa ma yɛnri.

6Ki yaa na yɛnlɛ ti, paa yɛgɛ ŋga na lere ma kaa yaakara tanra ka, nda ti yɛn yanlaga naa sɔmbɛ ni;

mi yaa kaa ma sɔnni yɔgɔrimɔ gbɔɔ ni.

7Na mi ka pye wa na sinlɛsaga, na jatere wi ma tigi ma na,

mi ma koro na jatere piin ma wogo ki na yembinɛ li ni fuun ni,

8katugu mboro ma yɛn na sagafɔ we.

Mbanla ta larasaga wa ma kanwira ti nɔgɔ, mi yɛn na jɔrɔgi nayinmɛ ni.

9Mì mara ma na na kotogo ki ni fuun ni,

ma kalige kɛɛ ki yɛn mala tɔgɔ.

10Ɛɛn fɔ, mbele paa ki jaa mbanla gbo,

ki yaga pe tigi wa tara ti nɔgɔ, wa ti latijugo ki ni!

11Ki yaga pe pe gbo tokobi ni,

pe pye dabaala pe yaakara!

12Ɛɛn fɔ wunlunaŋa wi yaa yɔgɔrimɔ ta Yɛnŋɛlɛ li kala na;

lere o lere wi ma wugu Yɛnŋɛlɛ li mɛgɛ ki na, wo yaa ka gbɔgɔwɔ ta,

katugu yagboyoolo pe yɔn ki yaa ka tɔn pe na.