iphe obu anma mu anmanma;

mbụ l'obu akfụ mu nkfụ.

Unu ngabeduduphu nchị;

nụa olu Nchileke!

Unu nụduduaphu ekiri, oode!

yo dzuru mkpuli igwe;

shi ẹke ono dzuru mgboko l'ophu.

olu iya edelahaa edede.

Olu iya anọduje

agba l'ọ bụ egbe-igwe.

Ẹ to nwedu iphe oodomije edomi.

Nchileke edetabeje igidi adụje egvu.

Oomeje iphe,

kariru ẹge oo-do madzụ ẹnya.

daa lẹ mgboko.

Yọ sụkwaphu

mini t'ọ chịa chị-shia ike.

k'ọphu onyemonye

ọbule a-maru ẹge ozi

kẹ yẹbe Nchileke habe nshinu.

ekpu ekpukpu;

domishia onwẹphe l'ime ẹnu ẹphe.

l'ụzo ọhali;

ẹge ono bẹ oyi eshije l'ụzo isheli.

emetaje aka-mini.

Yọ bụru ume iya ono

emeje tẹ mini,

saru petengu bya anmaa anmanma.

yọ ngụ-guhu angụ-guhu;

yo shi l'urukpu ono

l'eku ebemu kẹ mẹremu mẹremu.

ẹphe alọwashihu dzuru

mgboko mgburumgburu;

ẹphe l'agbaphe iya;

l'ejelephu ozi ẹge o ziru ẹphe.

t'o gude iya hụ̀a ẹphe àhụ̀hù;

m'ọ bụ t'o gude iya koshi

lẹ ya yeru ẹphe obu.

Nọduedu anọdu;

gbua igo l'iphe,

dụ biribiri Nchileke emebe!

egudeje atụ-zi urukpu l'akpamigwe?

?Ị maru ẹge oomeje ebemu t'o kua?

adọjeru l'eli iya

l'awụnga awụnga l'akpamigwe?

Ono kwa ozi, dụ egvu,

o jeru; mbụ onye ono,

tụkoru iphemiphe ọbule makọtaru ono;

shi ụzo ọhuda ephe;

alị ederu gbẹe;

bẹ uwe, i yeru l'ẹhu

anọduje ekpo ngu okpomọku.

akpamigwe t'ọ gbasaa agbasa;

kpọo gbengu l'ọ bụ onyo,

a wụru awụwu?

ayi e-kfuru Nchileke.

Ẹ tọ dụkwa iphe ayi maru, ayi e-kfu;

kẹ l'ẹ tọ dụdu ọphu ayi maru.

Nchileke l'ifu tọo.

?Bụ onye e-wota onwiya

je agbaa mgbukuma.

ẹnya iya je aphụbe l'anwụ,

echi echichi;

teke phẹrephere sacharu

akpamigwe; yo doo rịsangu.

gude mkpọla-ododo

kwaa onwiya ebirisa l'abya.

O gude ike, eye egwu;

dụ biribiri l'abya.

ọphu ayi 'adụdu ike

abya iya ntse.

Ikpe iya bụ ikpe,

vudo nhamụnha;

odobe-ẹka-ndoo nk'iya edzua edzudzu;

k'ọphu bụ l'ẹ tọ kpadu madzụ ẹhu.

madzụ atsụ iya egvu.

Ndu bụ

ọ-maru-ọmachata; b'ẹ tọ gụbedu iphe.”