Ha"in an hi Nehemiah an gobelnadol an hina' Hakaliah.

Da Zedekiah, 2ya hi Seraiah, ya hi Azariah, ya hi Jeremiah, 3ya hi Pashhur, ya hi Amariah, ya hi Malkijah, 4ya hi Hattush, ya hi Shebaniah, ya hi Malluk, 5ya hi Harim, ya hi Meremoth, ya hi Obadiah, 6ya hi Daniel, ya hi Ginnethon, ya hi Baruch, 7ya hi Meshullam, ya hi Abijah, ya hi Mijamin, 8ya hi Maaziah, ya da Bilgai ay Shemaiah ya dida hanay papadin numpelmah nan nitudo' an nuntutulaganmi.

9Didatuy holag Levi an numpelma: hi Jeshua an hina' Azaniah, ya hi Binnui an nalpuh holag Henadad, ya hi Kadmiel.

10Ya hiyatuy tutulangda: hi Shebaniah, ya hi Hodiah, ya hi Kelita, ya hi Pelaiah, ya hi Hanan, 11ya hi Mika, ya hi Rehob, ya hi Hashabaiah, 12ya hi Zakkur, ya hi Sherebiah, ya hi Shebaniah, 13ya hi Hodiah, ya da Bani ay Beninu.

14Nan a'ap'apun di tatagun numpelma: da Parosh, ya hi Pahath-Moab, ya hi Elam, ya hi Zattu, ya hi Bani, 15ya hi Bunni, ya hi Azgad, ya hi Bebai, 16ya hi Adonijah, ya hi Bigvai, ya hi Adin, 17ya hi Ater, ya hi Hezekiah, ya hi Azzur, 18ya hi Hodiah, ya hi Hashum, ya hi Bezai, 19ya hi Hariph, ya hi Anathoth, ya hi Nebai, 20ya hi Magpiash, ya hi Meshullam, ya hi Hezir, 21ya hi Meshezabel, ya hi Zadok, ya hi Jaddua, 22ya hi Pelatiah, ya hi Hanan, ya hi Anaiah, 23ya hi Hoshea, ya hi Hananiah, ya hi Hasshub, 24ya hi Hallohesh, ya hi Pilha, ya hi Shobek, 25ya hi Rehum, ya hi Hashabnah, ya hi Maaseiah, 26ya hi Ahiah, ya hi Hanan, ya hi Anan, 27ya hi Malluk, ya da Harim ay Baanah.

28Nan udumnan holag Israel an nan papadi, ya nan holag Levi, ya nan mun'adug hinan pantaw di allup, ya nan kumakantah nan Timplu, ya nan mumpuntamuh nan Timplu, ya an amin din nangilahhin hi odoldah nan heneggondan babluy an dumalat nan pangunudandah nan Uldin Apo Dios, ya niddum goh nan a'ahawada, ya an amin nan imbabaluydan way abalinandan manginnilah aat di donglonda 29at an aminda ya niddumdah nan a'agidan nan a'ap'apuda ta inhapatadan mangunud hinan Uldin Apo Dios an din indatnan Moses an baalna ta ihamaddan mangunud hinan inalin nan Uldin hi ma'at. Mu nan mangibahhaw ya ma'idutan.

30Hiyah te inhapatami:

“Adimi ipa'ahawa nan imbabaluymin binabaih nan linala'in Hentil an ni'hituh tun numbabluyanmi, ya ta"on nan imbabaluymin linala'i ya adimi goh ipa'ahawah nan binabain imbabaluyda.

31Ya wa ay di iyalin nan bunag hi gina'un ikumildu, unu nan bogah hinan ngilin an Habadu, unu nan udumnan algaw an mangilin ya adimi ahan la'uan. Ya wa ay ta madatngan nan miyapitun tawon ya adimi lia'on an tamman nan lutami, ya adimi ipahukat nan impa'utangmi.

32Ya tinawon ya gunmi idat di opat* hi gramos an pihhumi ta ma'usal hinan Timplun Apo Dios 33an umat hinan nilahhin an tinapay, ya Onong an Ma'an, ya Onong an Moghob, ya nan me'nong hinan ngilin an algaw, ya nan Behtan di Akayangan di Bulan, ya nan algaw an napilin behta, ya nan Onong di Bahol ta manandih bahol an amin nan holag Israel, ya an amin nan usalon di muntamuh nan Timplu.

34Ya da'min papadi, ya nan i'ibbadan holag Levi, ya nan tatagu ya inyu'nuhmi ta ma'innilay mahonhonod hinan hinohhan pamilyah mangiyuy hinan ayiw eden na'alin algaw hi tinawon ta way miyapuy hinan pun'onngan Apu tu'un Dios, ti hiyah ne inalin nan nitudo' hinan Uldin.†

35Ya tinawon an gunmi iyuy hinan Timplun Apo Dios nan hopap di ma'alah bungan an amin nan inhabalmi ya nan hopap di bungan nan nitanom an ayiw an ma'an di bungana.‡

36Ya iyuymi goh hinan papadin muntamuh nan Timplu nan pangpangullun lala'in imbabaluymi ta midawat ay Apo Dios, ya nan manilhig an uyaw hi hopap di i'lum nan bakami, ya nan buta'al an hopap di i'lum nan kalnilumi, ya nan buta'al an kilaw hi hopap di i'lum nan gandengmi ta miyunnudan hinan inalin nan nitudo' an Uldin.§

37Ya iyuymi goh hinan papadin wah nan Timplun Apo Dios nan mahhun hi nageleng an ma'an, ya nan udumnan e'nongmi, ya nan mahhun an bungan di numbino'ob'on an ayiw, ya nan pa'idyamman bayah, ya nan lanan di olibo. Ya idatmi goh nan mun'iyapulun ma'alah nan payawmi ay danen holag Levi ti diday umuy an mun'am'amung hinan mun'iyapulun idatmih nan abablubabluy an puntamuonmi. 38Ya mahapul an mitnud di ohan padin nalpuh nan holag Aaron hinan holag Levi hi unda alan nan mun'iyapulu, ya nan holag Levi di mangiyuy hinan na'amung hidih nan kuwaltun puntalepnan hinan Timplun Apo Dios. 39At nan holag Israel an nan holag Levi ya mahapul an iyuyda nan idatdan ma'an, ya nan bayah, ya nan lanan di oliboh nan kuwaltun puntalepnan hinan gina'uh nan Timplun Apo Dios an ihinan nan papadin muntamuh nan Timplu, ya nan mun'adug hinan Timplu, ya nan kumakanta.

Atonmi hana ta adimi inganuy nan Timplu an Abung Apo Dios an Diosmi.”