1Hi Benjamin ya imbabalenah Bela an hiyay panguluwan ot ahi hi Asbel ot ahi hi Aharah 2ot ahi hi Nohah ot ahi mohpe nan mi'alima an hi Rapa. 3Ya hay linala'ih imbabalen Bela ya hi Addar ya hi Gera ya hi Abihud 4ya hi Abisua ya hi Naaman ya hi Ahoah 5ya hi Gera ya hi Sepupan ya hi Huram.

6Ya hay ap'apu hinan himpamu'un an nunhituh ad Geba ya nadan holag Ehud. Mu hidin na'abakdah gubat ya impa'aanda didahdi ta immedah ad Manahat. 7Ta datuwe nadan holag Ehud an hi Naaman ya hi Ahijah ya hi Gera. Ya hituwen hi Gera an hi aman da Ussa i Ahihud di nangipangulu i didah din impa'aanda didahdi.

8Ya hi Saharaim an nalpuh nan tinanud Benjamin ya imbolhena* nadan ahawana an da Husim i Baara ot e mi'ibobleh ad Moab. Ya nahlag hidi ta wadaday linala'ih imbabaledah 9nan numbintanana an hi Hodes an da Jobab ya hi Sibia ya hi Mesa ya hi Malkam 10ya hi Jeus ya hi Sakia ya hi Mirmah. Ya datuwen linala'i an imbabalena ya diday nun'ap'apu i didan himpamu'un.

11Ya wada tuwaliy imbabaledah nan ahawana ni' an hi Husim an da Ahitub i Elpaal.

12Ya hi Elpaal ya hay linala'ih imbabalena ya hi Eber ya hi Misam ya hi Semed. Ya hituwen hi Semed di nangibangon hinan bobleh ad Ono ya hi ad Lod ya hinadan kikkitang an bobleh nunlini"odandahdi.

13Ya da Beriah i Sema† di nun'ap'apu i didan himpamu'un an numbobleh ad Ayjalon ya impa'aanda nadan nunhituh ad Gat. 14Ya hi Ahio ya hi Sasak ya hi Jermot 15ya hi Sebadiah ya hi Arad ya hi Eder ya 16hi Michael ya hi Ispah ya hi Joha di linala'i an imbabalen Beriah.

17Ya hi Sebadiah ya hi Mesullam ya hi Hiski ya hi Heber 18ya hi Ismerai ya hi Isaiah ya hi Jobab di linala'ih imbabalen Elpaal.

19Ya hi Jakim ya hi Sikri ya hi Sabdi 20ya hi Elienai ya hi Silletai ya hi Eliel 21ya hi Adayah ya hi Berayah ya hi Simrat di linala'ih imbabalen Simey. 22Ya hi Ispan ya hi Eber ya hi Eliel 23ya hi Abdon ya hi Sikri ya hi Hanan 24ya hi Hananiah ya hi Elam ya hi Antotijah 25ya hi Ipdeyah ya hi Penuel di linala'ih imbabalen Sasak.

26Ya hi Samseray ya hi Sekariah ya hi Ataliah 27ya hi Jaaresiah ya hi Elijah ya hi Sikri di linala'ih imbabalen Jeroham.

28Ya an namin danae ya ap'apu an nitudo' hinan tontonda hi nalpuwan di a'ammodda an tinanud Benjamin an numbobleh ad Jerusalem.

29Hi Jeyel an hi aman Gibeon an numbobleh ad Gibeon ya hay ngadan ahawana ya hi Maakah. 30Ya hay panguluwan an lala'i an imbabaleda ya hi Abdon ot ahi hi Sur ot ahi hi Kis ya hi Baal ya hi Ner ya hi Nadab 31ya hi Gedor ya hi Ahio ya hi Seker 32ya hi Miklot. Hi Miklot ya imbabalenah Simeah an eda nunhitu hi ad Jerusalem ta nihaggondah nadan tulangda.

33Hi Ner ya imbabalenah Kis an hi aman nan patul an hi Saul. Ya hay imbabalen Saul ya hi Jonathan ya hi Malki-Sua ya hi Abinadab ya hi Es-Baal.‡

34Ya hi Jonathan ya hay lala'ih imbabalena ya hi Merib-Baal§ an hi aman Mikah.

35Ya hi Mikah ya hay linala'ih imbabalena ya hi Piton ya hi Melek ya hi Tarea ya hi Ahas.

36Ya hi Ahas ya imbabalenah Jehoaddah an hi aman da Alemet ya hi Asmabet ya hi Simri. Ya hi Simri ya imbabalenah Mosa 37an hi aman Binea. Hi Binea ya imbabalenah Rapah an hi aman Eleasah. Ya hi Eleasah ya imbabalenah Asel. 38Hi Asel ya onom di linala'ih imbabalena an hi Asrikam ya hi Bokeru ya hi Ismael ya hi Seariah ya hi Obadiah ya hi Hanan. 39Ya hi Esek an hi ibban Asel ya imbabalena hi Ulam ya hi Jeus ya hi Elipelet. 40Ya an namin nadan linala'i an imbabalen Ulam ya natuliddan mi'gubat ya nala'ingdan pumana. Ya dakol di linala'i an imbabaleda ya apapuda ta hinggahut ta nabongledan (150) namin. Ya namin danae ya tinanud damdaman Benjamin.