Na pukuna nimua na dolo mana lei uto tara subo

Ko hola kehai na lei nigua na hahi.

2Ko apo marabu utou ta nigua na tangohahi:

Mo ko marabui tana lei palugu.

3Tu ghilalai na lei nigua na gehegehe te vatei maamaagha tu gonighi

tara kene taoniu tana dani mana bongi.

4Itamua vamua, mi ghoe heghemu vamua

inau tu tangohahi,

Inau tu nei na lei totobo te dika itamua,

Ighoe ko nia hevei na uto tana hava to bosaa

ma nimua na dete itagua kara maemane

5Tana sivuraghagu, Inau tu tinoni tangotangodika

Eo, tana bona tu kau mai tana kutuna tinagu.

6E utuni, to liona na utuni tana toba ni tinoni:

Ighoe ko taraiu ge ku manahana na vola ilokagu.

7Ko apo marabu tana lei palugu,

ge inau ku marabu ko apou [mughua],

Mi nau ku pura vulea [na snow]/[rana lovo]

8Ko va hea oliu mai nigua na togotogo,

Ighoe to tagotighi na huligu

ko neu ge ku ghoi togotogo pulohi.

9Ko bei righighi na lei palugu

mo ko talukehai na lei nigua na hahihahi.

10Ko vuha ilokagu na toba te maghora, Ghe God.

Ko vavaolua na tarunga te utuni ilokagu.

11Ko bei tiva kehau tana bonamu

mo ko bei soni kehaa nimua na tarunga tabu itagua.

12Ko ghoi vaheu mai na togotogo ta nimua na vola maurihali

mo ko neu ge ku lagalaga na taoniamu

13Mi nau ku taraira nia na nilabumu rana tangohahi

Ma gaira kara liliu pulohi vanigho.

14Ko talukehai vaniu te tave na ghabu,

Ighoe God, to vavolagu

vaho ge Inau ku nia linge rivurivu a nimua na talukehai palu.

15Ko vukesia na ghidugu, Ghe Lord,

Ge Inau ku holohabagho.

16Ighoe to mua nia togotogoa na sukaghi,

Inau tu mai hegho

Puku lavia vanigho na sukaghi kekere

ighoe ko mu lavipangotia.

17Na sukaghi to nia ghaghua Ighoe ke na toba te paruruha.

Na tabo te tughu mete paruruha,

God ge ko bei sivilaghiniu.

18Ko righia nia a veiarovi i Zion mo ko hanga

mo ko kisu olia na peona Jerusalem.

19Ighoe ko nia togotogo na puku ni sukaghi uto,

nia na lei sukaghi kekere,

mana sukaghi udolu,

Ma kara nia sukaghi na buluka ta nimua na bela tabu.