1David le a sepai jalamkaiten Asaph, Heman chule Jeduthun insungmi chu Kipana thupha sapphong tohthoa semjang gin ngei, tumging chule Khutbeh la lamkai din alhengdoh taove. 2Asaph chapate Zaccur, Joseph, Nethaniah chule Asarelah in jong a pau maikainan lengpa thupeh dungjuiyin kipana thupha chu alhangsap uve. 3Heduthun chapate, Gedaliah, Zeri, Jeshiah, Shimei, Hashabiah chule Mattithah mi gup cheng hin jong a pau makainan semjang gin ngei, thangvah le vahchoi toh thon kipana thupha sapphong toh thon Pathen athangvah uve. 4Heman chapate chu Bukkiah, Mattaniah, Hanani, Eliathah, Giddalti, Romam’ti-e’zer, Joshbekashah, Mallothi, Hothir chule Mahazioth cheng hi ahiuve. 5Lengpa Themgao a pang Heman hin Pakaiya a konin chapa Somle li le chanu thum ahing e. 6Heman le achapate chu Houin sunga tumging thei, Selangdah gin ngei, Semjang sai chule khutbeh a Pakai vahchoina lamkaiya pang ahiuve. Chule ijakaiyin, Asaph, Jeduthun chule Heman jong lengpa toh aki thukop jing uve. 7Amaho insung hi Pakai vahchoi na mun a tumging sai ding mong a hung kitillu ahi. Abonchauvin tumging sai thei cheh mi Jani somget le get alhing uve. 8Mi hichengse hi teh le khang hihen jilkung le simlai umlouvin athepna cheh uva apang un chuleh vang kibang in akisan cheh uve. 9Mi jani somget le get ho hin, chapa somle ni cheh in asauvin, hichengse ho hi hop somni le li in aki homson uvin asopite cheng to vang akisan uve.Vang kisan masapen chu Asaph chilhah lah a Joseph le asopite ahiuvin. Anina a vang kisan chu Gedaliah le asopite ahi, 10athum channa Zaccur, 11ali channa Zeri, 12a nga channa Nethaniah, 13a gup channa Bukkiah, 14a sagi channa Asarelahz, 15a get channa Jessiah, 16a ko channa Mattaniah, 17a som channa Shimei, 18a somle khat na Uzziel, 19a somle ni na Hashabiah, 20a somle thumna Shubael, 21a somle li na Mattithiah, 22a somle nga na Jerimoth, 23a somle gup na Hannaniah, 24a somle sagi na Joshbekashah, 25a somle get na Hanani, 26a somle ko na Mallothi, 27a somni na Eliathah, 28a somni le khat na Hothir, 29a somni le ni na Giddalti, 30a somni le thumna Mahazioth, 31a somni le li na Romamti-ezer.