1Nobom ci con dou cinanlorciye, bi bei tomange ceu bwangu co. 2Bi diye fobkako bo con do bilkur waber co merang cimenti. Nubo duce nuwa meranka ceko diger nyomanka tam ci. ciki fiya merankakowo fee? Yilen do wini kwama nece nye? nangen nyomanka ko wini co mati ki kang ceke? 3Kebo bibwe nii kwanka kuweko wabi bwe maryamu, yii Yakubu kage Yoci kange Yahuda kange Caminu? Kebce bo natubo wo bo wari kange ci? ci nuwa bo luma nerciyer ki Yecu.
4“Yecu tokki nii dukume mani le dur, ki le lo co kange curnukur cer kange naniya cek. 5mabo diker nyomankar wi, kan nob nyo bi dob wo co yo cimen kange ci fiya luma. 6Bwini bilenker ciye neco nyomka. la co cu curnukur co merangti wi.
7La con co kwobculombo yobeu con tom ci yob yob con ne ci bikwan dor yuwatangbeko bwir. 8Werang ci ciya ture kange diker na yame ce kand dang cari man cwaye man, kiyemer man mor bila ce. 9Ci ya du kan taa ciya dure belle yob bwi ci.
10Yici tano kom do mor luweri ka yimwi luwe cuwo nen, bo kom kwenti. 11Na ko ya kange luwe ci kokomeri kom ferum kwero na kume keu, a yilam warke dor nubo cinan loro cuwo.
12Cin ceri ciyi nuboti, ciya yioten bwiranker cero. 13Cin cukum kelkelito kila, cin belti nubo nen duce nuwa twirak ciye ko dim.
14Liya Hiridu nuwa nyo den Yecu ylam nyomom nyome nubo nin gwam. kangem bo yiti ki Yuhana nii yumweti kweni tuwe co diker bwi ci maran nagen nyomankako wo ticinene. 15Kangem bo yiti ki Iliya nyo na wo kangem yiti ki win mor toka dukume
16Hiridu nuwa wori con yiki Yuwana wo ma mwotum dore co kwene ka? 17Hiridu doki a ta Yuhana na merken fucina ki ker Hirodiya (wii Filibu yice). Na co nam co.
18Wori Yuwana yi Hiridu ki dabo ca na wi yice. 19La Hirodiya tii ner na co twalum Yuwana dila mabo. 20Nori Hiridu nuwa Tai Yuwanati con Nyomom Yuwana nii wucakke take cakcak. Hiridu ciya bo knage dikero a fiya Yuwana. na co nuwa fulen kerero Yuwana toktiyeu funer cero kweni kange nyo ki furwor neret coki cuware tuu nuka ceke.
21La hirodiya fiya da can ma diker co cwi makatiyeu kakuk boka ceko kentangu Hiridu co cika, nubbo durko ma mangenti mor liyare ceu, kange nubo durtinimbo mor Galili. 22Bubiya Hiridu yelyilako yori Hiridu kange fabubcebo nen Liya yi bubiya ca tok diker co cwitiyeu man nenen.
23Con ner cinen ki ye co cwitiye, bwen Liyar cerdi can biyeri co nen co. 24Ceri yaken ya me nece “Ye ma yi coti ca ne yere?” La ki dor Yuwana nii yuka mwem me. 25Bubiya wo yilau wulom mor kuwe nubo mwerum wiye ki a neco dor Yuwana nii yuka mwemek mor fantilange.
26Ko liya kambo ken, co manki diker maka kweri co tum nor kabum nob nangeneb ceb. 27Liya twom nii bwa dak tiye ca ya ca bo cinen ki dor Yuawanako. 28Nii bwa dak tiye ya matuii dor Yuawana ro, furcuna nyou fantilan bo ne bubiya, bubiya ya nee nece. 29Bibei tomange ci nuwa Nyori yatu bilendo fwerum tuwe.
30Bibei tomange bo Yecu nen cin yi co diker ci mane gwam kange diker ci merange. 31La cin yii ciki, kom ya kom fubom bikole nii maniyeu, wori nubo yati yilai, ci fiyabo fobka, tenkan caka cari. 32La cin ceri mor nabire mwenge ki bwitici.
33Nubo dutce tom ci yaken ti, cin yomom ci, la ci cerangum cinan loronen ka cwak, ci yulum ci. 34Boka ceko kon caciYecu to na bom nubo kila, la co cii ci, cina kwametinin manki nii bi yuware. La con yoten ci merang cinen dikeroti dutce.
35Kambo me domeri bibei tomange ce bou cin yi co fiye wo cungakin, wo me dom. 36Yo nubo brombo a yakenti faya naci do cinan lor kange, cunnukur na ci do diker ciya cati bwiti cii.
37Kar cinen kom ko neci carito, La ci yice ya nyan tiyenu carito na cule kwini kwob yob na nyo ne ci, ci cam me. 38me ci ki cwen carito nyi kom cike? kom ya, ya kom tou “ya ci touri chwendo nung kange jinge yob”.
39Kom yi nubo a yiken bitine dor yerako yiber. 40Ci yi wenange, wenange kangembo kwenii kwob, kangembo kwinii nug. 41La con u cwen carito nug kange jinge yob, con kunken dor cer con yoti bibwiyer wi, co kiyangum cwen carito con ne bibei tomange ce na ci kabkan nubo nen kwarub.
42Gwam ciye cin ca cin bwam. 43Cin morang fiti ce kumeu cin dim bulendo kwob cilombo yob kange fiti jinge. 44Nubo ca cariteu cin lam bikate nung.
45Can nawo co yi bibei tomange ceu ciya kwinken nabire mwengeu ciya tiken kab nimre co bo, ciya ya Baitcaida. ce con tim naco yo nubo. 46Bwiko ci cuwe ri con kwiken dor ban-nger Kwobka dilo. 47Me dom, nabire mwenge tiber wimar, ce co dor banger ki kwa ce.
48Co to ci, ci nuwa dotange ti, yuwako yuwamci yam. keno lam nar na kwomce ce la con bo fiye ci wiye, yakenti dor mwenger, co citi na co cuken kabum cem. 49Di cin to co yakenti dor mwenger la ci kwati keno kelkeliri, cin kwa kiyange. 50Gwam ciye cin tomco, tai to tam ci. can nawo con tok ker kange ci coki, kom ma bi kwan neret kom nuware tai.
51Doken mor nabire mwenge wari kange ci, la Yuwako tam figlanka ciyeko, diker nyomankar tam ci kambo kem. 52Ci ynombo ker cwen do. Nyori ner ciyero kiyabo.
53Di la cin yabum cin yaken biten Janicarita co ci dok nabire mwenge nin gwelmare. 54Ci cerou ti mor nabire mwengeri, nubo nyomom Yecu. 55Nubo yala ka cwak mor curnukur cit, ya cin borangu ki nubo ki twirakeu dor kwang ni ciye cinen fiye ci nuwa co wiye.
56Fiye gwam co dowe cinan lor kange cunukur, mor bitine cuwo ci bo ti ki nubo nuwa bo luma, fiye miyaka kange tiyenka ci kencoti na cin tai bwi belleceu, gwam nubo tai yange cin fiya luma.