Yaqupni sürgünlüktin qayturghaniding, i Perwerdigar.
2Xelqingning qebihlikini kechürüm qilip,
Barliq gunahlirini yapqaniding.
Sélah.
3Sen pütün qehringni ichingge qayturuwélip,
Ghezipingning esheddiylikidin yan’ghanidingsen.
4Emdi bizni Öz yéninggha qayturghaysen, i nijatliqimiz bolghan Xuda!
Bizge bolghan achchiqinggha hay bergeysen!
5Sen bizge ebediy ghezeplinemsen?
Ewladtin-ewladqiche ghezipingni sozamsen?
6Xelqing Özüngdin shadlinishi üchün,
Bizni qaytidin yéngilimamsen?
7Bizge özgermes muhebbitingni körsetkeysen, i Perwerdigar,
Bizge nijatliqingni ata qilghaysen!
8Tengri Perwerdigarning némilerni deydighanliqigha qulaq salay;
Chünki U Öz xelqige, Öz mömin bendilirige aman-xatirjemlikni sözleydu;
Ular yene hamaqetlikke qaytmisun!
9Zéminimizda shan-shöhretning turushi üchün,
Derheqiqet, Uningdin eyminidighanlargha Uning nijatliqi yéqindur;
10Özgermes muhebbet we heqiqet özara körüshti;
Heqqaniyet we aman-xatirjemlik bir-birini söyüshti;
11Heqiqet yerdin ünüp chiqmaqta,
Heqqaniyet ershlerdin qaraydu.
12Perwerdigar beriket béridu,
Zéminimiz hosulini béridu;
13Heqqaniyet Uning aldida mangidu,
Uning qedemlirige yol hazirlaydu!
Notes
□85:4 «Emdi bizni Öz yéninggha qayturghaysen, i nijatliqimiz bolghan Xuda! Bizge bolghan achchiqinggha hay bergeysen!» — Xudaning Israilgha rehimdilliq körsitiwatqinini körüp (3-ayetni körüng), mushu küyning muellipi Xudadin Israilni üzül-késil towa qildurghaysen, ularni Öz yéninggha, shundaqla Öz yurtigha qayturghaysen, dep dua qilishni bashlaydu.
□85:10 «Özgermes muhebbet we heqiqet özara körüshti; heqqaniyet we aman-xatirjemlik bir-birini söyüshti» — bu sirliq sözler shübhisizki, Mesihning özini qurbanliq qilghinida, emelge ashuruldi.
□85:13 «Heqqaniyet Uning aldida mangidu, uning qedemlirige yol hazirlaydu!» — yene birxil terjimisi: «Heqqaniyet Uning aldida mangidu, hem özini Uning qedemlirige ornitidu».
«Emdi bizni Öz yéninggha qayturghaysen, i nijatliqimiz bolghan Xuda! Bizge bolghan achchiqinggha hay bergeysen!» — Xudaning Israilgha rehimdilliq körsitiwatqinini körüp (3-ayetni körüng), mushu küyning muellipi Xudadin Israilni üzül-késil towa qildurghaysen, ularni Öz yéninggha, shundaqla Öz yurtigha qayturghaysen, dep dua qilishni bashlaydu.
Zeb. 71:20; 80:18; 138:7
«Özgermes muhebbet we heqiqet özara körüshti; heqqaniyet we aman-xatirjemlik bir-birini söyüshti» — bu sirliq sözler shübhisizki, Mesihning özini qurbanliq qilghinida, emelge ashuruldi.
Ibr. 7:2
Zeb. 67:6
«Heqqaniyet Uning aldida mangidu, uning qedemlirige yol hazirlaydu!» — yene birxil terjimisi: «Heqqaniyet Uning aldida mangidu, hem özini Uning qedemlirige ornitidu».