Muqeddes Kalam (latin yéziq)

Agurning pend-nesihetliri
1Töwendikiler Yakehning oghli Agurgha wehiy bilen kelgen sözlerdur:
Bu adem Itiyelge, yeni Itiyel bilen Ukalgha mundaq sözlerni dégen: —
2Men derweqe insanlar arisidiki eng nadini, haywan’gha oxshashturmen;
Mende insan eqli yoq.
3Danaliqni héch ögenmidim;
Eng Pak-Muqeddes Bolghuchi heqqidimu sawatim yoqtur.
4Kim ershke kötürülgen, yaki ershtin chüshken?
Kim shamalni qollirida tutqan?
Kim sularni Öz tonigha yögep qoyghan?
Kim yer-zéminning chégralirini belgiligen?
Uning ismi néme? Uning Oghlining ismi néme? Bilemsen-yoq?
5Tengrining herbir sözi sinilip ispatlinip kelgendur;
U Özige tayan’ghanlarning hemmisini qoghdaydighan qalqandur.
6Uning sözlirige héch nerse qoshma;
Undaq qilsang, U séni eyibleydu,
Séning yalghanchiliqing ashkarilinidu.
7I Xudayim, Sendin ikki nersini tileymen;
Men ölgüche bularni mendin ayimighaysen: —
8Saxtiliq we yalghanchiliqni mendin yiraq qilghaysen;
Méni gadaymu qilmay, baymu qilmay, belki éhtiyajimgha layiqla riziq bergeysen.
9Chünki ziyade toyup ketsem, Sendin yénip: «Perwerdigar dégen kim?» — dep qélishim mumkin.
Yaki gaday bolup qalsam, oghriliq qilip, Sen Xudayimning namigha dagh keltürüshim mumkin.
10Xojayinining aldida uning quli üstidin shikayet qilma,
Bolmisa u séni qarghap lenet qilidu, eyibkar bolisen.
11Öz atisini qarghaydighan,
Öz anisigha bext tilimeydighan bir dewr bar,
12Özini pak chaghlaydighan, emeliyette meynetchilikidin héch yuyulmighan bir dewr bar,
13Bir dewr bar — ah, kibirlikidin neziri némidégen üstün,
Hakawurluqidin hali némidégen chong!  
14Uning ajizlar we yoqsullarni yalmap yutuwétidighan chishliri qilichtek,
Éziq chishliri pichaqtek bolghan bir dewr bar!
15Zülükning ikki qizi bar, ular herdaim: «Bergin, bergin» dep towlishar.
Hergiz toyunmaydighan üch nerse bar, hergiz qanaetlenmeydighan töt nerse bar, ular bolsimu: —
16Gör, tughmas xotunning qarni,
Sugha toyunmighan qurghaq Yer.
We hergiz «boldi, toydum» démeydighan ottin ibaret.
17Atisini mesxire qilidighan,
Anisini kemsitidighan közni bolsa,
Qagha-quzghunlar choqular,
Bürkütning balilirimu uni yer.
18Men üchün intayin tilsimat üch nerse bar;
Shundaq, men chüshinelmeydighan töt ish bar: —
19Bürkütning asmandiki uchush yoli,
Yilanning tashta béghirlap mangidighan yoli,
Kémining déngizdiki yoli we yigitning qizgha ashiq bolushtiki yolidur.
20Zinaxor xotunning yolimu shundaqtur;
U bir némini yep bolup aghzini sürtiwetken kishidek: «Men héchqandaq yamanliqni qilmidim!» — deydu.
21Yer-zémin üch nerse astida biaram bolar;
U kötürelmeydighan töt ish bar: —
22Padishah bolghan qul,
Tamaqqa toyghan hamaqet,
23Nepretke patqan, erge tegken xotun,
Öz xanimining ornini basqan dédek.
24Yer yüzide téni kichik, lékin intayin eqilliq töt xil janiwar bar: —
25Chömüliler küchlük xelq bolmisimu, biraq yazda ozuq teyyarliwélishni bilidu;
26Sughurlar özi ajiz bir qowm bolsimu, xada tashlarning arisigha uwa salidu;
27Chéketkilerning padishahi bolmisimu, lékin qatar tizilip retlik mangidu;
28Keslenchükni qol bilen tutuwalghili bolidu,
Lékin xan ordilirida yashaydu.
29Qedemliri heywetlik üch janiwar bar,
Kishige zoq bérip mangidighan töt nerse bar: —
30Haywanatlar ichide eng küchlük, héch némidin qorqmas shir,
31Zilwa beyge iti,
Téke,
We puqraliri qollaydighan padishahdur.  
32Eger sen exmeqliq qilip özüngni bek yuqiri orun’gha qoyuwalghan bolsang,
We yaki telwe bir oyda bolghan bolsang,
Qolung bilen aghzingni yum!  
33Kala süti qochulsa sériq may chiqar;
Birining burni mijilsa, qan chiqar;
Adawet qozghap intiqam oylisa jédel-majira chiqar.

□30:1 «wehiy bilen kelgen sözler» — ibraniy tilida «yüklen’gen sözler» dep ipadilinidu. Démek, Perwerdigarning Agurning dil-rohigha yükligen sözliri. «Bu adem» — Yakehning oghli Agur.

■30:4 Ayup 38:4; Zeb. 104:3; Yesh. 40:12

■30:5 Zeb. 12:6-7; 18:30-31; 19:7-8; 119:140, 2Tim. 2:16

■30:6 Qan. 4:2; 12:32; Weh. 22:18

□30:13 «Hakawurluqidin hali némidégen chong!» — ibraniy tilida «Ularning qapaqliri némanche kötürülgen!».

■30:13 Pend. 6:17

■30:14 Pend. 12:18

□30:15 «zülük» — su ichide yashaydighan qanxor bir xil parazittur.

□30:16 «Gör» — mushu yerde «gör» ibraniy tilida «shéol», yeni «tehtisara», ölüklerning rohliri qiyamet künini kütidighan yerni körsitidu.

□30:20 «Men héchqandaq yamanliqni qilmidim!» — zinaxor xotunning yolining ajayibliqi bolsa özining op’ochuq gunahini héch tonumaydighanliqidin ibaret.

□30:23 «Nepretke patqan» — yaki «nepretlik», «nepretlen’gen».

■30:25 Pend. 6:8

□30:31 «zilwa beyge iti» — yaki «beyge éti» — ibraniy tilida bu söz bek az uchraydu. «puqraliri qollaydighan padishahdur» — bashqa ikki xil terjimisi: «Aghdurulmas we örülmes padishahdur» yaki «Öz qoshunini bashlighan padishahdur».

■30:31 Ayup 39:19-28

□30:32 «Qolung bilen aghzingni yum!» — belkim ibraniy tilida «boldi, bes!» dégen menini bérish mumkin.

■30:32 Ayup 21:5

□30:33 «Kala süti qochulsa ... birining burni mijilsa.... adawet qozghap intiqam oylisa ...» — bu jümlidiki «qochulsa» «mijilsa» we «qozghap ... oylisa» ibraniy tilida oxshash bir péil bilen ipadilen’gen.