136-küy •••• Pǝrwǝrdigarning muⱨǝbbitigǝ tǝxǝkkür eytinglar!
1Pǝrwǝrdigarƣa tǝxǝkkür eytinglar, U meⱨribandur;
Qünki Uning muⱨǝbbiti mǝnggülüktur;
2Ilaⱨlarning ilaⱨiƣa tǝxǝkkür eytinglar,
Qünki Uning muⱨǝbbiti mǝnggülüktur;
3Rǝblǝrning Rǝbbigǝ tǝxǝkkür eytinglar,
Qünki Uning muⱨǝbbiti mǝnggülüktur;
4Zor karamǝtlǝrni birdinbir Yürgüzguqigǝ tǝxǝkkür eytinglar,
Qünki Uning muⱨǝbbiti mǝnggülüktur;
5Əⱪil-parasǝt arⱪiliⱪ asmanlarni Yasiƣuqiƣa tǝxǝkkür eytinglar,
Qünki Uning muⱨǝbbiti mǝnggülüktur;
6Zeminni sular üstidǝ sozup Turƣuzƣuqiƣa tǝxǝkkür eytinglar,
Qünki Uning muⱨǝbbiti mǝnggülüktur;
7Uluƣ nur jisimlirini Yasiƣuqiƣa tǝxǝkkür eytinglar,
Qünki Uning muⱨǝbbiti mǝnggülüktur;
8Kündüzni baxⱪuridiƣan ⱪuyaxni Yasiƣuqiƣa tǝxǝkkür eytinglar,
Qünki Uning muⱨǝbbiti mǝnggülüktur;
9Keqini baxⱪurdiƣan ay ⱨǝm yultuzlarni Yasiƣuqiƣa tǝxǝkkür eytinglar,
Qünki Uning muⱨǝbbiti mǝnggülüktur;
10Ularning tunjilirini urup, Misirƣa zǝrb bǝrgüqigǝ tǝxǝkkür eytinglar,
Qünki Uning muⱨǝbbiti mǝnggülüktur;
11Israilni ular arisidin qiⱪarƣuqiƣa tǝxǝkkür eytinglar,
Qünki Uning muⱨǝbbiti mǝnggülüktur;
12Küqlük ⱪol ⱨǝm uzatⱪan bilǝk bilǝn ularni Qiⱪarƣuqiƣa tǝxǝkkür eytinglar,
Qünki Uning muⱨǝbbiti mǝnggülüktur;
13Ⱪizil dengizni bɵlǝk-bɵlǝk Bɵlgüqigǝ tǝxǝkkür eytinglar,
Qünki Uning muⱨǝbbiti mǝnggülüktur;
14Ⱨǝm Israilni uning otturisidin Ɵtküzgüqigǝ tǝxǝkkür eytinglar,
Qünki Uning muⱨǝbbiti mǝnggülüktur;
15Ⱪizil dengizda Pirǝwnni ⱪoxunliri bilǝn süpürüp taxliƣuqiƣa tǝxǝkkür eytinglar,
Qünki Uning muⱨǝbbiti mǝnggülüktur;
16Ɵz hǝlⱪini qɵl-bayawandin Yetǝkligüqigǝ tǝxǝkkür eytinglar,
Qünki Uning muⱨǝbbiti mǝnggülüktur;
17Büyük padixaⱨlarni Uruwǝtküqigǝ tǝxǝkkür eytinglar,
Qünki Uning muⱨǝbbiti mǝnggülüktur;
18Ⱨǝm mǝxⱨur padixaⱨlarni Ɵltürgüqigǝ tǝxǝkkür eytinglar,
Qünki Uning muⱨǝbbiti mǝnggülüktur;
19Jümlidin Amoriylarning padixaⱨi Siⱨonni Ɵltürgüqigǝ tǝxǝkkür eytinglar,
Qünki Uning muⱨǝbbiti mǝnggülüktur;
20— Ⱨǝm Baxan padixaⱨi Ogni Ɵltürgüqigǝ tǝxǝkkür eytinglar,
Qünki Uning muⱨǝbbiti mǝnggülüktur;
21Ularning zeminini miras üqün Bǝrgüqigǝ tǝxǝkkür eytinglar,
Qünki Uning muⱨǝbbiti mǝnggülüktur;
22Buni bǝndisi Israilƣa miras ⱪilip bǝrgüqigǝ tǝxǝkkür eytinglar,
Qünki Uning muⱨǝbbiti mǝnggülüktur;
23Ⱨalimiz harab ǝⱨwalda, bizlǝrni Əsligüqigǝ tǝxǝkkür eytinglar,
Qünki Uning muⱨǝbbiti mǝnggülüktur;
24Bizni ǝzgǝnlǝrdin ⱪutuldurƣuqiƣa tǝxǝkkür eytinglar,
Qünki Uning muⱨǝbbiti mǝnggülüktur;
25Barliⱪ ǝt igilirigǝ ozuⱪ Bǝrgüqigǝ tǝxǝkkür eytinglar,
Qünki Uning muⱨǝbbiti mǝnggülüktur;
26Ərxlǝrdiki Tǝngrigǝ tǝxǝkkür eytinglar,
Qünki Uning muⱨǝbbiti mǝnggülüktur!