Muⱪeddes Kalam (yǝngi yeziⱪ) Zǝbur 132

132-küy •••• Hudaning ǝⱨdǝ sanduⱪi wǝ Hudaning Dawutⱪa bolƣan wǝdisi •••• 1-ayǝttiki izaⱨatni kɵrüng

1«Yuⱪiriƣa qiⱪix nahxisi»

I Pǝrwǝrdigar, Dawut üqün u tartⱪan barliⱪ jǝbir-japalarni yad ǝtkǝysǝn;

2U Pǝrwǝrdigarƣa ⱪandaⱪ ⱪǝsǝm iqkǝn,

Yaⱪuptiki ⱪudrǝt Igisigǝ ⱪandaⱪ wǝdǝ ⱪilƣan: —

3-5«Pǝrwǝrdigarƣa turar jayni,

Yaⱪupning ⱪudrǝtlik Igisigǝ makanni tapmiƣuqǝ,

Ɵyümdiki ⱨujriƣa kirmǝymǝn,

Kariwattiki kɵrpǝmgǝ qiⱪmaymǝn,

Kɵzümgǝ uyⱪuni,

Ⱪapaⱪlirimƣa mügdǝxni bǝrmǝymǝn».

6Mana, biz uning hǝwirini Əfrataⱨda angliduⱪ;

Uni ormanliⱪ etizlardin taptuⱪ;

7Uning turar jayliriƣa berip kirǝyli,

Uning tǝhtipǝri aldida sǝjdǝ ⱪilayli;

8Ornungdin turƣin, i Pǝrwǝrdigar,

Sǝn ⱪudritingning ipadisi ǝⱨdǝ sanduⱪung bilǝn,

Ɵz aramgaⱨingƣa kirgin!

9Kaⱨinliring ⱨǝⱪⱪaniyliⱪ bilǝn kiyindürülsun,

Mɵmin bǝndiliring tǝntǝnilik awazni yangratsun!

10Ⱪulung Dawut üqün,

Ɵzüng mǝsiⱨ ⱪilƣiningning yüzini yandurmiƣaysǝn;

11Pǝrwǝrdigar Ɵz ⱨǝⱪiⱪiti bilǝn Dawutⱪa xu ⱪǝsǝmni ⱪildi,

U uningdin ⱨeq yanmaydu: —

U: — «Ɵz puxtingdin qiⱪⱪan mewidin birsini tǝhtingdǝ olturƣuzimǝn;

12Pǝrzǝntliring Mening ǝⱨdǝmni,

Ⱨǝm Mǝn ularƣa ɵgitidiƣan agaⱨ-guwaⱨlirimni tutsa,

Ularning pǝrzǝntliri mǝnggügǝ tǝhtingdǝ olturidu» — degǝn.

13Qünki Pǝrwǝrdigar Zionni talliƣan;

U Ɵz makani üqün uni haliƣan.

14Mana U: — «Bu mǝnggügǝ bolidiƣan aramgaⱨimdur;

Muxu yǝrdǝ turimǝn;

Qünki Mǝn uni halaymǝn.

15Mǝn uning rizⱪini intayin zor bǝrikǝtlǝymǝn;

Uning yoⱪsullirini nan bilǝn ⱪandurimǝn;

16Uning kaⱨinliriƣa nijatliⱪni kiygüzimǝn,

Uning mɵmin bǝndiliri xadliⱪtin tǝntǝnilik awazni yangritidu.

17Mǝn bu yǝrdǝ Dawutning münggüzini bihlandurimǝn;

Ɵzümning mǝsiⱨ ⱪilƣinim üqün yoruⱪ bir qiraƣ bekitkǝnmǝn;

18Uning düxmǝnlirigǝ xǝrmǝndilikni kiygüzimǝn;

Əmma uning kiygǝn taji bexida ronaⱪ tapidu» — dedi.

□132:1 «I Pǝrwǝrdigar, Dawut üqün u tartⱪan jǝbir-japalarni yad ǝtkǝysǝn;....» — bu küy birinqidin, Dawutning Pǝrwǝrdigar üqün ibadǝthana ⱪuruxⱪa iqkǝn ⱪǝsimini bildüridu ⱨǝm xu qaƣdiki Hudaning Dawutⱪa jawab berip ⱪilƣan wǝdisini («2Sam.» 7-bab) ǝslitidu; ikkinqidin, Dawutning keyin Hudaning ǝⱨdǝ sanduⱪini Kiriat-Yearim (yǝni Əfrataⱨ, ɵz yurti bolƣan Bǝyt-Lǝⱨǝmgǝ yeⱪin) degǝn jaydin ǝkilip, tǝntǝnilik ⱨalda Yerusalemƣa kirgüzgǝnlikinimu ǝslitidu. Bu küy bǝlkim Dawutning bir ǝwladi (Sulayman yaki uningdin keyinki birsi) padixaⱨ bolƣanda ⱪilƣan duasi boluxi mumkin. «Dawut ... tartⱪan barliⱪ jǝbir-japalar» — muxu yǝrdǝ bǝlkim Dawutning Huda üqün muⱪǝddǝs bir ɵyni yasaxⱪa bolƣan ǝjirini kɵrsitixi mumkin.

□132:6 «...biz uning hǝwirini Əfrataⱨda angliduⱪ» — «uning hǝwiri» bǝlkim birinqidin Hudaning ǝⱨdǝ sanduⱪini kɵrsitidu; ikkinqidin bexarǝtlik ⱨalda Mǝsiⱨning Bǝyt-Lǝⱨǝmdǝ tuƣuluxini kɵrsitixi mumkin. «Uni ormanliⱪ etizlardin taptuⱪ» — yaki «Uni Yaarning etizliridin taptuⱪ». «Yaar» «Kiriat-Yearim» boluxi mumkin («1Sam.» 7:1ni kɵrüng).

□132:10 «Ⱪulung Dawut üqün, Ɵzüng mǝsiⱨ ⱪilƣiningning yüzini yandurmiƣaysǝn» — bǝlkim Dawutning padixaⱨ bolidiƣan ǝwladi üqün ⱪilƣan duasi. Hudaning «mǝsiⱨ ⱪilƣini» toƣruluⱪ yuⱪiriⱪi 2-küy wǝ izaⱨatlarni, xundaⱪla «Tǝbirlǝr»nimu kɵrüng.

Notes