111-küy •••• Hudaning uluƣluⱪini seƣinix •••• 1-ayǝttiki izaⱨatni kɵrüng
1Ⱨǝmdusana!
Kɵngli duruslarning mǝxripidǝ,
Ⱨǝm jamaǝttǝ turup,
Pǝrwǝrdigarƣa pütün ⱪǝlbim bilǝn tǝxǝkkür eytimǝn.
2Pǝrwǝrdigarning yasiƣanliri uluƣdur;
Bulardin hursǝn bolƣanlar izdinip ularni sürüxtürmǝktǝ.
3Uning ǝjri xǝrǝp wǝ ⱨǝywǝttur,
Uning ⱨǝⱪⱪaniyliⱪi mǝnggügǝ turidu.
4U Ɵz mɵjizilirini yad ǝtküzidu;
Pǝrwǝrdigar muⱨǝbbǝtlik ⱨǝm rǝⱨimdilliktur.
5U Ɵzidin ǝyminidiƣanlarni ax bilǝn tǝminlǝydu;
Ɵz ǝⱨdisini ⱨǝmixǝ yad etidu.
6U ǝmǝlliridiki ⱪudritini Ɵz hǝlⱪigǝ kɵrsitip,
Baxⱪa ǝllǝrning miras-zeminini ularƣa tǝⱪdim ⱪildi.
7Uning ⱪoli ⱪilƣanliri ⱨǝⱪiⱪǝt-sadaⱪǝt wǝ adilliⱪtur;
Uning barliⱪ kɵrsǝtmiliri ixǝnqliktur.
8Bular ǝbǝdil’ǝbǝdgiqǝ inawǝtliktur;
Ⱨǝⱪiⱪǝttǝ ⱨǝm durusluⱪta qiⱪirilƣandur.
9U Ɵz hǝlⱪigǝ nijatliⱪ ǝwǝtti;
Ɵz ǝⱨdisini ǝmr ⱪilip mǝnggügǝ bekitti;
Muⱪǝddǝs ⱨǝm sürlüktur Uning nami.
10Pǝrwǝrdigardin ⱪorⱪux danaliⱪning baxlinixidur;
Uning ⱨɵkümlirini tutⱪanlarning ⱨǝmmisi yorutulƣan adǝmlǝrdur;
Uning mǝdⱨiyisi mǝnggü turidu.