Muⱪeddes Kalam (yǝngi yeziⱪ) Zǝbur 4

4-küy •••• Keqidiki dua

1Nǝƣmiqilǝrning bexiƣa tapxurulup, tarliⱪ sazlar bilǝn oⱪulsun dǝp, Dawut yazƣan küy. —

Mǝn nida ⱪilƣinimda, manga jawab bǝrgǝysǝn,

I manga ⱨǝⱪⱪaniyliⱪim ata ⱪilƣuqi Huda!

Besim astida ⱪalƣanda Sǝn meni kǝngriqilikkǝ qiⱪarding;

Manga meⱨir-xǝpⱪǝt kɵrsitip, duayimni angla!

2I insan baliliri, silǝr mening xan-xǝripimni ⱪaqanƣiqǝ aⱨanǝtkǝ ⱪaldurisilǝr?

Ⱪaqanƣiqǝ biⱨudilikni sɵyüp,

Yalƣanni izdǝp yürisilǝr?

Selaⱨ.

3Biraⱪ xuni bilip ⱪoyunglarki,

Pǝrwǝrdigar ihlasmǝnlǝrni Ɵzigǝ has ⱪilƣan;

Mǝn Uningƣa nida ⱪilƣinimda, Pǝrwǝrdigar anglaydu.

4Aqqiⱪinglarƣa berilip, gunaⱨ ⱪilmanglar;

Ɵz ornunglarda yetip, ⱪǝlbinglarda qongⱪur oylinip,

Süküt ⱪilinglar.

Selaⱨ.

5Ⱨǝⱪⱪaniyliⱪ bilǝn ⱪurbanliⱪlarni ⱪilinglar,

Wǝ Pǝrwǝrdigarƣa tayininglar.

6Kɵp hǝlⱪ: — «Kim bizgǝ yahxiliⱪ kɵrsitǝlisun?» — dǝp sorimaⱪta;

Jamalingning nuri üstimizgǝ qüxsun, i Pǝrwǝrdigar!

7Axliⱪ wǝ yengi xarabliri molqiliⱪ bolƣanlarning huxalliⱪidinmu,

Mening ⱪǝlbimni bǝkrǝk huxalliⱪⱪa toldurdung.

8Mǝn yatay, ⱨǝm hatirjǝmliktǝ uhliwalay;

Qünki meni bihǝtǝrliktǝ yaxatⱪuqi pǝⱪǝtla Sǝn, i Pǝrwǝrdigar!

□4:1 «Nǝƣmiqilǝrning bexi» — yaki «Bax sazqi». Dawut ibadǝthanida ɵzining ⱨǝm baxⱪilarning küylirini oⱪux üqün mǝhsus horqilar ⱨǝm sazqilarni orunlaxturƣan. Muxu yǝrdiki «bax sazqi» xübⱨisizki xularni baxⱪuridiƣan adǝmni kɵrsitidu. Dawut bax sazqining muxu küyni ɵz muzikisi bilǝn ibadǝthanida oⱪuxini orunlaxturعan bolsa kerǝk. «I manga ⱨǝⱪⱪaniyliⱪ ata ⱪilƣuqi Huda!» — ibraniy tilida: «I ⱨǝⱪⱪaniyliⱪimning Hudasi!». Baxⱪa birhil tǝrjimisi: «I mǝn üqün adalǝtni soriƣuqi Huda!»

□4:2 «Ⱪaqanƣiqǝ biⱨudilikni sɵyüp, yalƣanni izdǝp yürisilǝr?» — bu ayǝt bǝlkim «yalƣan ilaⱨ»lar, yǝni butlar toƣruluⱪ eytilƣan. Sɵzligüqining «mening xan-xǝripim» degini bolsa, Hudadur. Muxu adǝmlǝr uni sɵyüp, uni izdǝxning ornidaButlarni izdǝydu.

Notes