1
Ⱨabakkuk
1Ⱨabakkuk pǝyƣǝmbǝr kɵrgǝn, uningƣa yüklǝngǝn wǝⱨiy: —
Ⱨabakkukning dad-pǝryadliri
2Aⱨ Pǝrwǝrdigar, ⱪaqanƣiqǝ mǝn Sanga nida ⱪilimǝn, Sǝn anglimaysǝn?
Mǝn Sanga: «Zulum-zorawanliⱪ!» dǝp nalǝ-pǝryad kɵtürimǝn,
Biraⱪ Sǝn ⱪutⱪuzmaysǝn.
3Sǝn nemixⱪa manga ⱪǝbiⱨlikni kɵrgüzisǝn,
Nemixⱪa japa-zulumƣa ⱪarap turisǝn?
Qünki bulangqiliⱪ, zulum-zorawanliⱪ kɵz aldimdidur;
Jǝnggi-jedǝllǝr bar,
Dǝwalar kɵpǝymǝktǝ.
4Xunga ⱪanun palǝq bolup ⱪaldi,
Adalǝt mǝydanƣa ⱨeq qiⱪmaydu;
Qünki rǝzillǝr ⱨǝⱪⱪaniy adǝmni ⱪistimaⱪta;
Xunga ⱨɵkümlǝr burmilinip qiⱪirilidu.
Hudaning jawabi
5Əllǝr arisida bolidiƣan bir ixni kɵrüp beⱪinglar, obdan ⱪaranglar, ⱨǝyranuⱨǝs ⱪelinglar!
Qünki silǝrning dǝwringlarda bir ix ⱪilimǝnki,
Birsi silǝrgǝ bayan ⱪilƣan tǝƣdirdimu silǝr ixǝnmǝyttinglar.
6Qünki mana, Mǝn ⱨeliⱪi mijǝzi osal ⱨǝm aldiraⱪsan ǝl kaldiylǝrni ornidin turƣuzimǝn;
Əsli ɵzigǝ tǝwǝ ǝmǝs makanlarni igilǝx üqün,
Ular yǝr yüzining kǝngri jaylirini besip mangidu;
7Ular ɵzlirining deginini ⱨesab ⱪilidu ⱨǝm ɵzini haliƣanqǝ yuⱪiri tutidu;
8Ularning atliri yilpizlardin ittik,
Kǝqtǝ owƣa qiⱪidiƣan bɵrilǝrdin ǝxǝddiydur;
Atliⱪ lǝxkǝrlǝr atlirini mǝƣruranǝ qapqitidu;
Atliⱪ lǝxkǝrlǝr yiraⱪtin kelidu,
Ular owƣa xungƣuƣan bürküttǝk uqup yüridu.
9Ularning ⱨǝmmisi zulum-zorawanliⱪⱪa kelidu;
Ularning top-top adǝmliri yüzlirini aldiƣa bekitip, alƣa basidu,
Əsirlǝrni ⱪumdǝk kɵp yiƣidu.
10Bǝrⱨǝⱪ, u padixaⱨlarni mazaⱪ ⱪilidu,
Əmirlǝrnimu nǝzirigǝ almaydu;
U ⱨǝmmǝ istiⱨkamlarni mǝshirǝ ⱪilidu,
Qünki u topa-tupraⱪlarni dɵwǝ-dɵwǝ ⱪilip, ularni ixƣal ⱪilidu.
11Xundaⱪ ⱪilip u xamaldǝk ƣuyuldap ɵtidu,
Ⱨǝddidin exip gunaⱨkar bolidu;
Uning bu küq-ⱪudriti ɵzigǝ ilaⱨ bolup sanilidu.
Pǝyƣǝmbǝrning Hudaƣa bolƣan jawabi
12Sǝn Əzǝldin Bar Bolƣuqi ǝmǝsmu, i Pǝrwǝrdigar Hudayim, mening Muⱪǝddǝs Bolƣuqim?
Biz ɵlmǝymiz, i Pǝrwǝrdigar;
Sǝn uni jazayingni bǝja kǝltürüx üqün bekitkǝnsǝn;
Sǝn, i Ⱪoram Tax Bolƣuqi, uni bizgǝ ibrǝt ⱪilip tüzitixkǝ bǝlgiligǝnsǝn.
13Sening kɵzüng xunqǝ ƣubarsiz idiki,
Rǝzillikkǝ ⱪarap turmaytting;
Əmdi nemixⱪa Sǝn munapiⱪliⱪ ⱪilƣanlarƣa ⱪarap turisǝn,
Rǝzillǝr ɵzidin adil bolƣan kixini yutuwalƣinida, nemixⱪa süküt ⱪilisǝn?
14Sǝn adǝmlǝrni huddi dengizdiki beliⱪlardǝk,
Huddi ɵzliri üstidǝ ⱨeq yetǝkligüqisi yoⱪ ɵmiligüqi ⱨaywanlarƣa ohxax ⱪilisǝn;
15Xu kaldiy kixi ularning ⱨǝmmisini qanggikiƣa ilinduridu,
Ularni ɵz tori bilǝn tutuwalidu,
Ularni yiƣma toriƣa yiƣidu;
Xuning bilǝn huxal bolup xadlinidu;
16Wǝ toriƣa ⱪurbanliⱪ sunidu,
Yiƣma toriƣa isriⱪ salidu,
Qünki xular arⱪiliⱪ uning nesiwisi mol,
Nemǝtliri lǝzzǝtlik boldi.
17Əmdi u xu tǝriⱪidǝ torini tohtawsiz boxitiwǝrsǝ,
Xu tǝriⱪidǝ ǝllǝrni ⱨeq rǝⱨim ⱪilmay ⱪiriwǝrsǝ bolamdu?
Notes
■1:5
Ros. 13:41
□1:6
«Mǝn ⱨeliⱪi mijǝzi osal ⱨǝm aldiraⱪsan ǝl kaldiylǝrni ornidin turƣuzimǝn,... ular yǝr yüzining kǝngri jaylirini besip mangidu» — kaldiylǝr pǝⱪǝt 20 yil iqidila nǝzǝrsiz bir ǝldin, Babil xǝⱨirini (keyin kaldiylǝr «Babilliⱪlar» dǝp atalƣan), Ninǝwǝ xǝⱨirini wǝ Misirni ixƣal ⱪilƣan ⱪorⱪunqluⱪ bir imperiyǝgǝ aylandi (miladiyǝdin ilgiriki 615-595-yillar). «Ⱪoxumqǝ sɵz»imiznimu kɵrüng.
□1:7
«Ular ɵzlirining deginini ⱨesab ⱪilidu ⱨǝm ɵzini haliƣanqǝ yuⱪiri tutidu» — ibraniy tilidiki tekisttin muxu ayǝtni qüxinix sǝl tǝs. Əsli jümlini sɵzmusɵz alsaⱪ «Ulardin qiⱪⱪan ⱨɵküm wǝ ⱨǝywǝ ɵzlikidindur» — yǝni Hudadin ǝmǝs, degǝn mǝnini bildüridu. Ular Hudadin ⱨeq ⱪorⱪmay, nemini halisam xundaⱪ ⱪilimǝn, dǝydiƣanlar.
□1:9
«Ularning top-top adǝmliri yüzlirini aldiƣa bekitip, alƣa basidu,... » — yaki «ularning top-top adǝmliri «xǝrⱪ xamili»dǝk alƣa basidu,...». Bu jümlining yǝnǝ birnǝqqǝ tǝrjimiliri bar.
□1:10
«u ⱨǝmmǝ istiⱨkamlarni mǝshirǝ ⱪilidu, qünki u topa-tupraⱪlarni dɵwǝ-dɵwǝ ⱪilip, ularni ixƣal ⱪilidu» — demǝk, ular sepilning yeniƣa qong bir dɵng yasap sepildin artilip bɵsüp kiridu. Babilliⱪlarning ǝmgǝk küqi kɵp bolƣaqⱪa, muxu Addiy usulni kɵp ⱪollanƣan.
□1:11
«Xundaⱪ ⱪilip u xamaldǝk ƣuyuldap ɵtidu, ⱨǝddidin exip gunaⱨkar bolidu» — baxⱪa birhil tǝrjimisi: «xundaⱪ ⱪilixi bilǝn uning roⱨi ɵzgirip ketidu; u xu yǝrlǝrdin ɵtüp, gunaⱨkar bolidu».
□1:12
«Sǝn uni jazayingni bǝja kǝltürüx üqün bekitkǝnsǝn» — yaki «uni jazayingƣa uqraxⱪa bekitkǝnsǝn».
□1:14
«Sǝn adǝmlǝrni huddi dengizdiki beliⱪlardǝk, huddi ɵzliri üstidǝ ⱨeq yetǝkligüqisi yoⱪ ɵmiligüqi ⱨaywanlarƣa ohxax ⱪilisǝn» — ǝslidǝ Huda insanni yaratⱪanda, insan toƣruluⱪ «ular dengizdiki beliⱪlar... ɵmüligüqi ⱨaywanlarni... baxⱪursun» degǝnidi. Ⱨazir Huda zalimlarning insanlarni beliⱪlarning orniƣa qüxürüxigǝ yol ⱪoyuwatidu. Bu nemǝ üqün?
□1:15
«Xu kaldiy kixi ularning ⱨǝmmisini qanggikiƣa ilinduridu» — Asuriyǝ padixaⱨlirining ǝsirlǝrni kalpukliridin ilmǝk (yaki qanggak) ɵtküzüp, yetilǝp mangidiƣan rǝⱨimsiz aditi bar idi; keyinki imperiyǝ (Babil)ning padixaⱨliri bǝlkim ohxax adǝttǝ bolƣan bolsa kerǝk.
Ros. 13:41
«Mǝn ⱨeliⱪi mijǝzi osal ⱨǝm aldiraⱪsan ǝl kaldiylǝrni ornidin turƣuzimǝn,... ular yǝr yüzining kǝngri jaylirini besip mangidu» — kaldiylǝr pǝⱪǝt 20 yil iqidila nǝzǝrsiz bir ǝldin, Babil xǝⱨirini (keyin kaldiylǝr «Babilliⱪlar» dǝp atalƣan), Ninǝwǝ xǝⱨirini wǝ Misirni ixƣal ⱪilƣan ⱪorⱪunqluⱪ bir imperiyǝgǝ aylandi (miladiyǝdin ilgiriki 615-595-yillar). «Ⱪoxumqǝ sɵz»imiznimu kɵrüng.
«Ular ɵzlirining deginini ⱨesab ⱪilidu ⱨǝm ɵzini haliƣanqǝ yuⱪiri tutidu» — ibraniy tilidiki tekisttin muxu ayǝtni qüxinix sǝl tǝs. Əsli jümlini sɵzmusɵz alsaⱪ «Ulardin qiⱪⱪan ⱨɵküm wǝ ⱨǝywǝ ɵzlikidindur» — yǝni Hudadin ǝmǝs, degǝn mǝnini bildüridu. Ular Hudadin ⱨeq ⱪorⱪmay, nemini halisam xundaⱪ ⱪilimǝn, dǝydiƣanlar.
«Ularning top-top adǝmliri yüzlirini aldiƣa bekitip, alƣa basidu,... » — yaki «ularning top-top adǝmliri «xǝrⱪ xamili»dǝk alƣa basidu,...». Bu jümlining yǝnǝ birnǝqqǝ tǝrjimiliri bar.
«u ⱨǝmmǝ istiⱨkamlarni mǝshirǝ ⱪilidu, qünki u topa-tupraⱪlarni dɵwǝ-dɵwǝ ⱪilip, ularni ixƣal ⱪilidu» — demǝk, ular sepilning yeniƣa qong bir dɵng yasap sepildin artilip bɵsüp kiridu. Babilliⱪlarning ǝmgǝk küqi kɵp bolƣaqⱪa, muxu Addiy usulni kɵp ⱪollanƣan.
«Xundaⱪ ⱪilip u xamaldǝk ƣuyuldap ɵtidu, ⱨǝddidin exip gunaⱨkar bolidu» — baxⱪa birhil tǝrjimisi: «xundaⱪ ⱪilixi bilǝn uning roⱨi ɵzgirip ketidu; u xu yǝrlǝrdin ɵtüp, gunaⱨkar bolidu».
«Sǝn uni jazayingni bǝja kǝltürüx üqün bekitkǝnsǝn» — yaki «uni jazayingƣa uqraxⱪa bekitkǝnsǝn».
«Sǝn adǝmlǝrni huddi dengizdiki beliⱪlardǝk, huddi ɵzliri üstidǝ ⱨeq yetǝkligüqisi yoⱪ ɵmiligüqi ⱨaywanlarƣa ohxax ⱪilisǝn» — ǝslidǝ Huda insanni yaratⱪanda, insan toƣruluⱪ «ular dengizdiki beliⱪlar... ɵmüligüqi ⱨaywanlarni... baxⱪursun» degǝnidi. Ⱨazir Huda zalimlarning insanlarni beliⱪlarning orniƣa qüxürüxigǝ yol ⱪoyuwatidu. Bu nemǝ üqün?
«Xu kaldiy kixi ularning ⱨǝmmisini qanggikiƣa ilinduridu» — Asuriyǝ padixaⱨlirining ǝsirlǝrni kalpukliridin ilmǝk (yaki qanggak) ɵtküzüp, yetilǝp mangidiƣan rǝⱨimsiz aditi bar idi; keyinki imperiyǝ (Babil)ning padixaⱨliri bǝlkim ohxax adǝttǝ bolƣan bolsa kerǝk.