1Umamlong nan tagun ipaanhanay pangatanah pinhod APU DIOS.

2Hanan nun-aatuwana ya gumlah pangal-anah mahapul na. Ta hidiye nan mun-am-amlong ya maphod di biyag na. 3Hanan inayana ya paddungna nan nitanom an makabbunga. Ya nadan linalakin imbabale dan maamung nah panganan da ya umat da nadah haping di oliba. 4Athidiy bendisyon nan tagun makangngun-unud ke APU DIOS.

5Hana ot ta bendisyonan ditakut nangamung ke APU DIOS an wadat nangamung ad Zion. Ya hana ot ta ad uwanin katagu taku tuh luta ya tibon takuy pumhodan di Jerusalem. 6Hana ot ta madukdukey kitaguwan takut tibon takuy inap-apu taku.

Hana ot ta munnanong an waday linggop hitud Israel.