1Handih nangibangngadan APU DIOS ke ditakud Jerusalem ya paddungnay in-inop. 2Namahig di amlong takun makatattawa taku ya mungkanta taku. Kanan di tataguh udum an bobley “Makakkaphod nadan inat APU DIOS hi kiphodan da.”

3Om peman, makakkaphod nadan inat APU DIOS hi kiphodan taku. Kinali, mun-am-amlong taku.

4APU DIOS, daan mot paphodom boy nitaguwan mit umat hi punlobongan di udan nah mamagan wa-el. 5Deket athidiy atom ya nadan muntanom an munluluwa ya ahida maka-an-anlan mun-ani. 6Om, nadan mangen e muntanom an munluluwa ya ahida mabendisyonan ta maka-an-anla dan mangianamut hi inani da.